മലപ്പുറം ജില്ലയുടെ ആരോഗ്യരംഗത്തെ പോരായ്മകൾ പരിഹരിക്കുക; ജില്ലയിൽ നാളെ എസ്ഡിപിഐ ഡിമാൻഡ് ഡേ

മലപ്പുറം: സംസ്ഥാനത്തെ ഏറ്റവും കൂടുതൽ ജനസംഖ്യയുള്ള മലപ്പുറം ജില്ലയിൽ ആരോഗ്യരംഗത്തെ നിലനിൽക്കുന്ന അസൗകര്യങ്ങളും പരിമിതികളും പരിഹരിക്കാനുള്ള അടിയന്തിര നടപടികൾ സ്വീകരിക്കണമെന്ന് ആവശ്യപ്പെട്ടുകൊണ്ട് നാളെ ജില്ലയിൽ ഡിമാൻഡ് ഡേ ആയി ആചരിക്കാൻ എസ്ഡിപിഐ ജില്ലാ കമ്മിറ്റി തീരുമാനിച്ചു.

ജനസംഖ്യ ആനുപാതികമായി ജില്ലക്ക് വാക്സിൻ അനുവദിക്കുക, കോവിഡ് നിയന്ത്രണത്തിനായി മൂന്ന് സോണുകളായി തിരിച്ച് മൂന്ന് സബ് കളക്ടർമാർക്ക് ചുമതല നൽകുക, എല്ലാ പഞ്ചായത്തുകളിലും ആവശ്യത്തിന് വാക്സിനേഷൻ സെൻററുകൾ അനുവദിക്കുക , ജില്ലയിൽ പ്രതിദിനം ഇരുപത്തി അയ്യായിരം ആൻറിജൻ ടെസ്റ്റുകൾ ഗ്രാമ പഞ്ചായത്തുകൾ വഴി നടത്തുക , ജില്ലക്ക് ആവശ്യമായ ചികിത്സാ സൗകര്യങ്ങൾ ആശുപത്രികൾ സ്റ്റാഫുകൾ അനുവദിക്കുക , ആരോഗ്യമേഖലയിൽ ജില്ലയിൽ ഒഴിവുള്ള തസ്തികകൾ താൽക്കാലിക അടിസ്ഥാനത്തിലും ഉടൻ നികത്തുക , മഞ്ചേരി മെഡിക്കൽ കോളേജിന് പൂർണാർത്ഥത്തിൽ സജ്ജമാക്കി നിർത്തുക തുടങ്ങിയ ആവശ്യങ്ങൾ ഉന്നയിച്ചുകൊണ്ടാണ് എസ്ഡിപിഐ സമര ഭവനങ്ങൾ തീർക്കുന്നത് എന്ന് ജില്ലാ പ്രസിഡൻറ് സി പി എ ലത്തീഫ് അറിയിച്ചു.