തൃശൂര്‍ സബ് ഡിവിഷണ്ല്‍ മജിസ്‌ട്രേറ്റ് കോടതിയിലെ സിറ്റിംഗ് പുന:രാരംഭിച്ചു

തൃശൂർ: കൊവിഡ് വ്യാപനം മൂലം നിര്‍ത്തിവെച്ചിരുന്ന തൃശൂര്‍ സബ് ഡിവിഷണല്‍ മജിസ്‌ട്രേറ്റ് കോടതിയിലെ സിറ്റിംഗ് പുന:രാരംഭിച്ചു. ലോക്ഡൗണ്‍ സമയത്തെ നിയന്ത്രണങ്ങളെ തുടര്‍ന്ന് മാര്‍ച്ച് രണ്ടാം വാരം മുതല്‍ തൃശൂര്‍ സബ് ഡിവിഷ്ണല്‍ മജിസ്‌ട്രേറ്റ് കോടതിയുടെ സിറ്റിംഗുകള്‍ നടത്താന്‍ സാധിച്ചില്ല. തുടര്‍ നടപടിക്രമങ്ങള്‍ തടസപ്പെട്ടിട്ടുള്ള സിആര്‍ പി.സി 107, 110 പ്രകരാമുള്ള കേസുകളില്‍ ജില്ലാ കലക്ടറുടെ നിര്‍ദ്ദേശത്തെ തുടര്‍ന്നാണ് ഒക്ടോബര്‍ 21 മുതല്‍ സിറ്റിംഗ് പുന:രാരംഭിക്കുന്നത്. തൃശൂര്‍ സബ് ഡിവിഷ്ണല്‍ മജിസ്‌ട്രേറ്റ് കോടതിയില്‍ എല്ലാ ബുധാനാഴ്ച്ചകളിലും കൂടാതെ സ്‌പെഷ്യല്‍ സിറ്റിംഗ് നടത്തിയും തുടര്‍നടപടികള്‍ സ്വീകരിച്ചു വരുന്നതാണെന്ന് ജില്ലാ റവന്യൂ ഡിവിഷ്ണല്‍ ഓഫീസര്‍ എന്‍ കെ. കൃപ അറിയിച്ചു.