ഡല്‍ഹി: ബ്രിട്ടനില്‍ നിന്നുള്ളവരുടെ ക്വാറന്റീന്‍ നിബന്ധനകളില്‍ ഇളവ്

ന്യൂഡല്‍ഹി: ബ്രിട്ടനില്‍ നിന്ന് രാജ്യത്തെത്തുന്നവര്‍ക്ക് നിര്‍ദേശിച്ചിരുന്ന ക്വാറന്റീന്‍ നിബന്ധനകളില്‍ ഡല്‍ഹി സര്‍ക്കാര്‍ ഇളവ് നല്‍കി. ഡല്‍ഹിയില്‍ നിന്ന് തിരിച്ചെത്തുന്നവരില്‍ ജനിതകമാറ്റം വന്ന കൊവിഡ് രോഗം കണ്ടെത്തുന്നത് കുറഞ്ഞ സാഹചര്യത്തിലാണ് ക്വാറന്റീന്‍ നിബന്ധനയില്‍ അയവ് വരുത്തുന്നതെന്ന് ഡല്‍ഹി ദുരന്തനിവാരണ മാനേജ്‌മെന്റ് അതോറിറ്റി പറഞ്ഞു.

ആര്‍ടി- പിസിആര്‍ പരിശോധന നെഗറ്റീവായവര്‍ക്ക് നേരത്തെ ഏഴ് ദിവസത്തെ സ്ഥാപനക്വാറന്റീനും ഏഴ് ദിവസത്തെ വീടുകളിലുള്ള ക്വാറന്റീനുമാണ് നിശ്ചയിച്ചിരുന്നത്. അതേസമയം കാലാകാലങ്ങളില്‍ കേന്ദ്ര സര്‍ക്കാര്‍ നടപ്പാക്കുന്ന ആരോഗ്യ നിബന്ധനകള്‍ പാലിക്കണമെന്നും ഉത്തരവില്‍ പറയുന്നു.