Latest News

ഇരിപ്പിടത്തെ ചൊല്ലി തര്‍ക്കം: ഓടുന്ന ട്രെയിനില്‍ നിന്നും യാത്രക്കാരനെ പുറത്തേക്ക് എറിഞ്ഞു

പുറത്തേക്ക് എറിയപ്പെട്ട വിജയകുമാര്‍ ഗുപ്തയെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.മാന്‍ഖുഡ് സ്വദേശിയായ വിജയകുമാര്‍ ഗുപ്ത പ്രിന്റിംഗ് പ്രസ് ജീവനക്കാരനാണ്.

ഇരിപ്പിടത്തെ ചൊല്ലി തര്‍ക്കം: ഓടുന്ന ട്രെയിനില്‍ നിന്നും യാത്രക്കാരനെ പുറത്തേക്ക് എറിഞ്ഞു
X

മുംബൈ: ഇരിപ്പിടത്തെ ചൊല്ലിയുണ്ടായ തര്‍ക്കത്തെ തുടര്‍ന്ന് യാത്രികനെ ഓടുന്ന ട്രെയ്‌നില്‍നിന്നും പുറത്തേക്ക് എറിഞ്ഞു. കുര്‍ളെയ്ക്ക് സമീപമാണ് സംഭവം. പുറത്തേക്ക് എറിയപ്പെട്ട വിജയകുമാര്‍ ഗുപ്തയെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.മാന്‍ഖുഡ് സ്വദേശിയായ വിജയകുമാര്‍ ഗുപ്ത പ്രിന്റിംഗ് പ്രസ് ജീവനക്കാരനാണ്. ജോലിസ്ഥലത്തേക്ക് പോകാനായി തിരക്കേറിയ ലോക്കല്‍ ട്രെയിനില്‍ കയറിയതായിരുന്നു അയാള്‍.

ഇതിനിടെ മൂന്നംഗ സംഘം എത്തി ഇരിപ്പിടം ഒഴിയാന്‍ വിജയകുമാറിനോട് ആവശ്യപ്പെട്ടു. ആവശ്യം നിരസിച്ചതോടെ തര്‍ക്കം രൂക്ഷമായതോടെ, സംഘം വിജയകുമാറിനെ ഓടിക്കൊണ്ടിരുന്ന ട്രെയിനില്‍ നിന്നും പുറത്തേക്ക് വലിച്ചെറിയുകയായിരുന്നു.

യാത്രക്കാരന്‍ പുറത്തേക്ക് വീണ കാര്യം സ്‌റ്റേഷന്‍ മാസ്റ്ററാണ് റെയില്‍വേ പോലിസിനെ അറിയിച്ചത്. ഉടന്‍ തന്നെ റെയില്‍വേ പോലിസ് സ്ഥലത്തെത്തി വിജയകുമാറിനെ സിയോണ്‍ ആശുപത്രിയില്‍ എത്തിക്കുകയായിരുന്നു. അക്രമികളെ കണ്ടെത്താന്‍ അന്വേഷണം ആരംഭിച്ചതായി പോലിസ് അറിയിച്ചു.

Next Story

RELATED STORIES

Share it