മിസോറാമില് വീണ്ടും ഭൂചലനം; ആളപായമില്ല
ചാമ്പയില് നിന്നും 31 കിലോ മീറ്റര് തെക്ക് പടിഞ്ഞാറ് മാറിയാണ് ഭൂചലനത്തിന്റെ പ്രഭവ കേന്ദ്രമെന്ന് നാഷണല് സെന്റര് ഫോര് സീസ്മോളജി അറിയിച്ചു.
ഐസ്വാള്: മിസോറാമില് വീണ്ടും ശക്തമായ ഭൂചലനം. രാവിലെ 8 മണിയോട് കൂടിയാണ് റിക്ടര് സ്കെയില് 4.1 തീവ്രത രേഖപ്പെടുത്തി ഭൂചലനം അനുഭവപ്പെട്ടത്. ഭൂചലനത്തില് ആളപായമോ നാശനഷ്ടങ്ങളോ റിപ്പോര്ട്ട് ചെയ്തിട്ടില്ല. ചാമ്പയില് നിന്നും 31 കിലോ മീറ്റര് തെക്ക് പടിഞ്ഞാറ് മാറിയാണ് ഭൂചലനത്തിന്റെ പ്രഭവ കേന്ദ്രമെന്ന് നാഷണല് സെന്റര് ഫോര് സീസ്മോളജി അറിയിച്ചു.
കഴിഞ്ഞ 24 മണിക്കൂറിനിടെ രണ്ടാമത്തെ ശക്തിയായ ഭൂചലനമാണ് മിസോറാമില് ഉണ്ടാകുന്നത്. കഴിഞ്ഞ ദിവസം വൈകീട്ട് 7.17 നും പ്രദേശത്ത് ഭൂചലനം അനുഭവപ്പെട്ടിരുന്നു. റിക്ടര് സ്കെയില് 3.7 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്.
കഴിഞ്ഞ ഞായറാഴ്ച മുതല് മിസോറാമില് തുടര്ച്ചയായ ഭൂചലനങ്ങള് അനുഭവപ്പെടുന്നുണ്ട്. റിക്ടര് സ്കെയില് 5.1 തീവ്രത രേഖപ്പെടുത്തിയ ഭൂചലനമാണ് ഞായറാഴ്ച ഉണ്ടായത്. തുടര്ന്ന് കഴിഞ്ഞ രണ്ട് ദിവസങ്ങളിലും ഭൂചലനം അനുഭവപ്പെട്ടിരുന്നു. ഇതില് തിങ്കളാഴ്ച അനുഭവപ്പെട്ട ഭൂചലനമാണ് ഏറ്റവും ശക്തി കൂടിയത്.
RELATED STORIES
നരേന്ദ്ര ദബോല്ക്കറിനെ വെടിവച്ചു കൊന്ന കേസ്: രണ്ട് ഹിന്ദുത്വര്ക്ക്...
10 May 2024 9:21 AM GMTഅരവിന്ദ് കെജ് രിവാളിന് ഇടക്കാല ജാമ്യം
10 May 2024 9:00 AM GMTഅഹമ്മദാബാദിലെ ദര്ഗ ആക്രമിച്ച് കാവിക്കൊടി കെട്ടി ഹിന്ദുത്വ വാദികള്
10 May 2024 8:49 AM GMTകെജ് രിവാളിന്റെ ജാമ്യ ഹരജിയിൽ സുപ്രിംകോടതി വിധി ഇന്ന്
10 May 2024 5:23 AM GMTമുംബൈ-പൂനെ എക്സ്പ്രസ് വേയില് അപകടം; മൂന്ന് മരണം
10 May 2024 5:22 AM GMTഅയോധ്യയില് രാം ലല്ലയെ കണ്ടുവണങ്ങി ഗവര്ണര് ആരിഫ് മുഹമ്മദ് ഖാന്
9 May 2024 2:15 PM GMT