ഇന്ത്യന്‍ പൗരന്മാര്‍ റഷ്യന്‍ സൈന്യത്തില്‍ ചേരുന്നതിനെതിരേ ശക്തമായ മുന്നറിയിപ്പ് നല്‍കി കേന്ദ്ര വിദേശകാര്യമന്ത്രാലയം

ന്യൂഡല്‍ഹി: ഇന്ത്യന്‍ പൗരന്മാര്‍ റഷ്യന്‍ സൈന്യത്തില്‍ ചേരുന്നതിനെതിരേ ശക്തമായ മുന്നറിയിപ്പ് നല്‍കി കേന്ദ്ര വിദേശകാര്യമന്ത്രാലയം. ഇന്ത്യന്‍ പൗരന്മാര്‍ റിക്രൂട്ട് ചെയ്യപ്പെടുന്നതിനെക്കുറിച്ചുള്ള റിപോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടെന്നും ഇതില്‍ ഒളിഞ്ഞിരിക്കുന്ന അപകടങ്ങള്‍ മനലസിലാക്കണമെന്നുമാണ് മുന്നറിയിറിപ്പ്. ഇക്കാര്യം കഴിഞ്ഞ ഒരുവര്‍ഷത്തിനിടെ പലവട്ടം സര്‍ക്കാര്‍ ഇന്ത്യന്‍ പൗരന്മാര്‍ക്ക് മുന്നറിയിപ്പ് നല്‍കിയിട്ടുള്ളതാണെന്നും വിദേശകാര്യ സെക്രട്ടറി രണ്‍ദീപ് ജയ്സ്വാള്‍ സാമൂഹികമാധ്യമമായ എക്സില്‍ പങ്കുവെച്ചു.

റഷ്യയിലേക്ക് പോയ ഇന്ത്യക്കാരില്‍ പലര്‍ക്കും യുക്രൈന്‍ യുദ്ധത്തില്‍ റഷ്യന്‍ സൈന്യത്തിന്റെ ഭാഗമാകേണ്ടിവരുന്നുവെന്ന വാര്‍ത്തകളുടെ പശ്ചാത്തലത്തിലാണ് കേന്ദ്ര വിദേശകാര്യമന്ത്രാലയം മുന്നറിയിപ്പ് നല്‍കുന്നത്. വളരെ അപകടംനിറഞ്ഞ വഴിയായതിനാല്‍ റഷ്യന്‍ സൈന്യത്തില്‍ ചേരാനുള്ള ഏത് വാഗ്ദാനത്തില്‍നിന്നും ഒഴിഞ്ഞുമാറണമെന്ന് ഇന്ത്യന്‍ പൗരന്മാരോട് വീണ്ടും അഭ്യര്‍ഥിക്കുന്നതായും രണ്‍ധീര്‍ ജയ്സ്വാള്‍ പ്രസ്താവനയില്‍ അറിയിച്ചു.ഈ നടപടി അവസാനിപ്പിക്കണമെന്നും ഇന്ത്യന്‍ പൗരന്മാരെ മോചിപ്പിക്കണമെന്നും ആവശ്യപ്പെട്ട് ഡല്‍ഹിയിലെയും മോസ്‌കോയിലെയും റഷ്യന്‍ അധികൃതരുമായി ബന്ധപ്പെട്ടിട്ടുണ്ടെന്നും രണ്‍ധീര്‍ ജയ്സ്വാള്‍ പ്രസ്താവനയില്‍ വ്യക്തമാക്കി. ബാധിക്കപ്പെട്ട ഇന്ത്യന്‍പൗരന്മാരുടെ കുടുംബങ്ങളുമായി ബന്ധപ്പെടുന്നുണ്ടെന്നും അദ്ദേഹം കൂട്ടിച്ചേര്‍ത്തു.