മഞ്ചേരിയില്‍ സ്‌കൂട്ടറും പിക് അപ്പും കൂട്ടിയിടിച്ച് യുവാവ് മരിച്ചു

മലപ്പുറം: മഞ്ചേരി നെല്ലിപ്പറമ്പ് കല്ലിങ്ങല്‍ പെട്രോള്‍ പമ്പിനടുത്ത് സ്‌കൂട്ടറും ദോസ്ത് പിക് അപ്പും കൂട്ടിയിടിച്ച് യുവാവ് മരിച്ചു. ഇന്നലെ രാത്രി 9:30 ഓടെയായിരുന്നു അപകടം. സ്‌കൂട്ടര്‍ യാത്രക്കാരനായ അരീക്കോട് പത്തനാപുരം തേക്കിന്‍ച്ചുവട് കളത്തിങ്ങല്‍ ജാഫറിന്റെ മകന്‍ മുഹമ്മദാലി മുത്തലിഖ് (അക്കു) ആണ് മരിച്ചത്. സഹോദരിക്ക് ഗുരുതരമായി പരിക്കേറ്റു. അപകടത്തില്‍ ഗുരുതരമായി പരിക്കേറ്റ് രണ്ടുപേരെയും മഞ്ചേരി മെഡിക്കല്‍ കോളജില്‍ പ്രവേശിപ്പിച്ചെങ്കിലും മുത്തലിഖ് മരണപ്പെടുകയായിരുന്നു.