ഹൃദയാഘാതം മൂലം മലപ്പുറം സ്വദേശി സൗദിയില് നിര്യാതനായി
മയ്യിത്ത് യാംബുവില് തന്നെ ഖബറടക്കാനാണ് ബന്ധുക്കളുടെ തീരുമാനം
യാംബു: സൗദിയിലെ യാംബുവില് ഹൃദയാഘാതം മൂലം മലപ്പുറം സ്വദേശി നിര്യാതനായി. വേങ്ങര പാക്കടപ്പുറായയിലെ കുനിയില് വീട്ടില് അബ്ദുല് ജബ്ബാര്(48)ആണ് വ്യാഴാഴ്ച രാത്രി മരിച്ചത്. താമസ സ്ഥലത്ത് നെഞ്ചുവേദന അനുഭവപ്പെട്ടതിനെ തുടര്ന്ന് ആശുപത്രിയിലേക്ക് കൊണ്ടു പോകുന്നതിനിടയിലാണ് മരണം. ഈ വര്ഷം ജൂലൈയിലാണ് നാട്ടില് പോയി തിരിച്ചെത്തിയത്. ഒന്നര പതിറ്റാണ്ടുകാലമായി സൗദി യാംബുവില് പ്രവാസിയായ അബ്ദുല് ജബ്ബാര് യാംബുവിലെ 'ജെംസ്' കമ്പനിയില് സൂപ്പര് വൈസറായി ജോലി ചെയ്തു വരികയായിരുന്നു.
നടപടി പൂര്ത്തിയാക്കി മയ്യിത്ത് യാംബുവില് തന്നെ ഖബറടക്കാനാണ് ബന്ധുക്കളുടെ തീരുമാനം. റിയാദില് നിന്നെത്തിയ അബ്ദുല് ജബ്ബാറിന്റെ സഹോദരീ പുത്രന് ഇസ്മായീല് ജിദ്ദയിലും മറ്റുമുള്ള ചില ബന്ധുക്കളും കമ്പനി അധികൃതരും യാംബുവിലെ സാമൂഹിക സന്നദ്ധ പ്രവര്ത്തകരും നടപടികള് പൂര്ത്തിയാക്കാന് രംഗത്തുണ്ട്.
പരേതരായ കുനിയില് കുഞ്ഞറമ്മു ഹാജി-ആയിഷക്കുട്ടി ദമ്പതികളുടെ മകനാണ്. ഭാര്യ: റഹ്മത്ത്. മക്കള്: മുഹമ്മദ് റിഷാദ്, മുഹമ്മദ് റയ്യാന്, റസ്ല. മരുമകന്: ടി ടി മന്സൂര്. സഹോദരങ്ങള്: മുഹമ്മദ് കുട്ടി, മൂസ, അബ്ദുല് ലത്തീഫ്, അബ്ദുറസാഖ്, ഫാത്തിമ, നഫീസ, സഫിയ, ആരിഫ.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
