ലബ്‌നാനിലേക്ക് 60 മെട്രിക് ടണ്‍ ഭക്ഷ്യ വിഭവങ്ങള്‍ അയച്ച് ഫ്രാന്‍സ്

ഇസ്രായേല്‍ ആക്രമണത്തെ തുടര്‍ന്ന് പ്രതിസന്ധിയിലായ ലബ്‌നാന്‍ ജനതക്ക് ആശ്വാസവുമായി ഫ്രാന്‍സ്. 60 മെട്രിക് ടണ്‍ ഭക്ഷ്യ വിഭവങ്ങള്‍ ലബ്‌നാനിലേക്ക് അയച്ചതായി ഫ്രാന്‍സ് അറിയിച്ചു. ഈ ആഴ്ച്ച ലബ്‌നാനിലേക്ക് അയക്കുന്ന സഹായത്തിന്റെ അളവ് മൂന്നിരട്ടിയാക്കുമെന്ന് വിദേശകാര്യ മന്ത്രി ജീന്‍-നോയല്‍ ബാരറ്റ് പറഞ്ഞു. പാരീസില്‍ നിന്നും അയച്ച 60 മെട്രിക് ടണ്‍ സഹായം ഈ ആഴ്ച ലബ്‌നാനില്‍ എത്തുമെന്ന് ഫ്രഞ്ച് റേഡിയോ സ്‌റ്റേഷനായ ഠഎ1നോട് പറഞ്ഞു. ഇസ്രായേല്‍ ആക്രമണത്തെ തുടര്‍ന്ന് 700,000 പേരാണ് ലബ്‌നാനില്‍ അഭയാര്‍ത്ഥികളായത്.