മേയാന്‍വിട്ട പോത്തിനെ പുലി കടിച്ചുകൊന്നു

തിരുവനന്തപുരം: പുലിയുടെ ആക്രമണത്തില്‍ പോത്ത് ചത്തു. പാലോട് മങ്കയം വെങ്കിട്ടമൂട് സ്വദേശി ജയന്‍ വളര്‍ത്തുന്ന പോത്തുകളിലൊന്നിനെയാണ് പുലി പിടിച്ചത്. ഏഴു പോത്തുകളെ ഞായറാഴ്ച രാവിലെ മേയാന്‍ വിട്ടിരുന്നു. വനാതിര്‍ത്തിയോട് ചേര്‍ന്ന പ്രദേശമാണ് ഇവിടം. വൈകിട്ട് മൂന്നു മണിയോടെ ആറു പോത്തുകള്‍ തിരികെ വീട്ടില്‍ എത്തി. ഒരു പോത്തിനെ കണ്ടില്ല. തുടര്‍ന്ന് നടത്തിയ അന്വേഷണത്തിലാണ് പോത്തിനെ ചത്ത നിലയില്‍ കണ്ടെത്തിയത്. നാട്ടുകാര്‍ പുലിയെയും കണ്ടു. പുലിയെ പിടിക്കാന്‍ വനംവകുപ്പ് ഉദ്യോഗസ്ഥര്‍ പദ്ധതികള്‍ തയ്യാറാക്കുകയാണ്.