കേരളത്തില് നിയമത്തിന്റെ നൂലാമാലകളില്പെട്ട് പ്രവാസികള് വലയുന്നത് അവസാനിപ്പിക്കാന് നടപടി
പ്രവാസലോകത്ത് മുപ്പതോ നാല്പ്പതോ കൊല്ലക്കാലം കഴിഞ്ഞ് കഷ്ടപ്പെട്ട് സമ്പാദിച്ച് കേരളത്തിലേക്കാണ് നിക്ഷേപിക്കുന്നത്
തിരുവനന്തപുരം: നിയമത്തിന്റെ നൂലാമാലകള്ക്കിടയില് കിടന്ന് പ്രവാസികള് വലയുന്ന സ്ഥിതി അവസാനിപ്പിക്കാന് ഇന്വെസ്റ്റ്മെന്റ് പ്രൊട്ടക്ഷന് ഉറപ്പാക്കുമെന്ന് മുഖ്യമന്ത്രി ഉറപ്പ് നല്കിയതായി നോര്ക്ക വൈസ് ചെയര്മാനും പ്രമുഖ വ്യവസായിയുമായ എംഎ യൂസഫലി. ലോകകേരള സഭയുടെ മൂന്നാം സമ്മേളനത്തില് സംസാരിക്കുകയായിരുന്നു അദ്ദേഹം.
പ്രവാസലോകത്ത് മുപ്പതോ നാല്പ്പതോ കൊല്ലക്കാലം കഴിഞ്ഞ് കഷ്ടപ്പെട്ട് സമ്പാദിച്ച് കേരളത്തിലേക്കാണ് നിക്ഷേപിക്കുന്നത്. ഇത്തരത്തില് നാട്ടില് നിക്ഷേപിക്കുമ്പോള് യാതൊരുവിധ സുരക്ഷിതത്വവുമില്ലെന്ന നിര്ഭാഗ്യകരമായ സ്ഥിതിയാണുള്ളത്. ഇന്വെസ്റ്റ് ചെയ്താല് ബുദ്ധിമുട്ടുണ്ടാകാത്ത രീതിയിലുള്ള നിയമങ്ങള് വരുമ്പോള് കൂടുതല് ആളുകള് നിക്ഷേപിക്കാന് തയ്യാറാകും. ലോകകേരള സഭ പോലെ പ്രവാസികളുടെ വലിയ സമ്മേളനത്തില് രാഷ്ട്രീയ വ്യത്യാസത്തിന്റെ പേരില് ഒരു വിഭാഗം ബഹിഷ്കരിക്കുന്നതില് ശരികേടുണ്ടെന്നും യൂസഫലി പറഞ്ഞു.
ഈ സമ്മേളനത്തിന്റെ പേരില് ധൂര്ത്ത് നടക്കുന്നെന്ന രീതിയില് വസ്തുതകളില്ലാത്ത വിമര്ശനങ്ങള് ഉന്നയിച്ച് പ്രവാസികളെ വേദനിപ്പിക്കരുതെന്ന് അദ്ദേഹം സമ്മേളനത്തില് പറഞ്ഞു. ഭരണ പ്രതിപക്ഷ ഭേദമന്യേ പ്രവാസികളുടെ ക്ഷേമത്തിനും വികസന പ്രവര്ത്തനങ്ങളിലും ഏവരുടെയും സഹകരണം യൂസഫലി അഭ്യര്ഥിച്ചു.
RELATED STORIES
താനൂർ സ്വദേശി സൗദിയിലെ ദമ്മാമിൽ മരിച്ചു
2 May 2024 3:50 AM GMTവൈക്കത്ത് ക്രിക്കറ്റ് കളികഴിഞ്ഞ് വിശ്രമിക്കുന്നതിനിടെ യുവാവ്...
1 May 2024 6:11 PM GMTയുഎഇയിലെ കാലാവസ്ഥ; വിമാനയാത്രികര്ക്ക് അറിയിപ്പ്
1 May 2024 5:54 PM GMTഗസയിലെ ഇസ്രായേല് ആക്രമണം; മലേഷ്യയിലെ 100ലധികം കെഎഫ്സി...
1 May 2024 5:42 PM GMT'ഗൂഢാലോചന അന്വേഷിക്കണം'; ഇ പി ജയരാജന് ഡിജിപിക്ക് പരാതി നല്കി
1 May 2024 5:09 PM GMTകോട്ടയത്ത് ക്രിക്കറ്റ് കളികഴിഞ്ഞ് വിശ്രമിക്കുന്നതിനിടെ യുവാവ്...
1 May 2024 4:52 PM GMT