കെഎസ്ഇബി സമരത്തെ നേരിടാന് ഡയസ്നോണ് പ്രഖ്യാപിക്കും
ഓഫിസര്മാര് നടത്തുന്ന സമരം തെറ്റായ കീഴ്വഴക്കമെന്ന് ചൂണ്ടിക്കാട്ടിയാണ് വൈദ്യുതി ബോര്ഡിന്റെ നടപടി
തിരുവനന്തപുരം: കെഎസ്ഇബി ഓഫിസേഴ്സ് അസോസിയേഷന്റെ സമരത്തെ നേരിടാന് ഡയസ്നോണ് പ്രഖ്യാപിക്കും. ഓഫിസര്മാര് നടത്തുന്ന സമരം തെറ്റായ കീഴ് വഴക്കമെന്ന് ചൂണ്ടിക്കാട്ടിയാണ് വൈദ്യുതി ബോര്ഡിന്റെ നടപടി. അല്പസമയം മുന്പ് ചേര്ന്ന ബോര്ഡ് യോഗത്തിലാണ് തീരുമാനം. ഇതൊരു തൊഴിലാളി യൂനിയനല്ല. സര്വീസ് സംഘടനയാണ്. അതുകൊണ്ട് തന്നെ ചട്ടപ്രകാരം ഇത് നിയമലംഘനമാണെന്നാണ് ബോര്ഡിന്റെ വിലയിരുത്തല്.
നാളെ കെഎസ്ഇബി ഓഫിസേഴ്സ് അസോസിയേഷന് വൈദ്യുതി ഭവന് വളയാന് തീരുമാനിച്ചിരുന്നു. തീരുമാനം ഗുരുതരമായ ചട്ടലംഘനമാണെന്ന് കാണിച്ചാണ് ബോര്ഡ് ഇത്തരത്തില് ഡയസ്നോണ് പ്രഖ്യാപിക്കാന് തീരുമാനിച്ചത്.
എന്നാല് ഡയസ്നോണ് പ്രഖ്യാപിച്ച് സമരം തകര്ക്കാമെന്ന് കരുതേണ്ടെന്ന് കെഎസ്ഇബി ഓഫിസേഴ്സ് അസോസിയേഷന് സംസ്ഥാന പ്രസിഡന്റ് എം ജി സുരേഷ്കുമാര് പറഞ്ഞു. പ്രഖ്യാപിച്ചത് പോലെ തന്നെ സമരം നടക്കും. ജീവനക്കാരെ തടയില്ല. എല്ലാ ഏകാധിപതികളും ജനകീയ സമരത്തിന് മുന്നില് കീഴടങ്ങിയിട്ടുണ്ടെന്നും എം ജി സുരേഷ്കുമാര് പറഞ്ഞു.
കെഎസ്ഇബി ഓഫിസേഴ്സ് അസോസിയേഷന് എക്സിക്യൂട്ടീവ് അംഗം ജാസ്മിന് ബാനുവിനെ സസ്പെന്ഡ് ചെയ്തുമായി ബന്ധപ്പെട്ട പ്രതിഷേധത്തില് പങ്കെടുത്തതിന് സംഘടന ജനറല് സെക്രട്ടറി ബി ഹരികുമാറിനെതിരെ നടപടിയെടുത്തിരുന്നു. ഇതിന് പിന്നാലെ സംഘടനയുടെ പ്രസിഡന്റ് എംജി സുരേഷ് കുമാറിനെയും സസ്പെന്ഡ് ചെയ്തു. ഇതോടെയാണ് സിഐടിയു സമരം ശക്തിപ്പെടുത്തിയത്. തുടര്ന്ന് സസ്പെന്ഷന് പിന്വലിച്ചെങ്കിലും സംഘടനയ്ക്ക് പൂര്ണമായും വഴങ്ങാന് ബോര്ഡ് തയ്യാറായില്ല.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
