ബാങ്ക് അക്കൗണ്ട് വിവരങ്ങള് ആവശ്യപ്പെടില്ല, വ്യാജ സന്ദേശങ്ങളില് വഞ്ചിതരാകരുത്; മുന്നറിയിപ്പുമായി കെഎസ്ഇബി
ഇത്തരം വ്യാജ സന്ദേശങ്ങളോട് യാതൊരു കാരണവശാലും പ്രതികരിക്കരുത്
തിരുവനന്തപുരം: ഉപഭോക്താക്കളുടെ ബാങ്ക് അക്കൗണ്ട് വിവരങ്ങള്, ഒടിപി എന്നിവ കെഎസ്ഇബി ഉദ്യോഗസ്ഥര് ആവിശ്യപ്പെടാറില്ലെന്നും വ്യാജ സന്ദേശങ്ങളില് വഞ്ചിതരാകരുതെന്നും കെഎസ്ഇബി. ഉപഭോക്താക്കള് ജാഗ്രത പുലര്ത്തണം. ഇത്തരം വ്യാജ സന്ദേശങ്ങളോട് യാതൊരു കാരണവശാലും പ്രതികരിക്കരുതെന്നും കെഎസ്ഇബി അറിയിച്ചു.
കെഎസ്ഇബി മുന്നറിയിപ്പ് ഇങ്ങനെ
'എത്രയും വേഗം പണമടച്ചില്ലെങ്കില്/ ആധാര് നമ്പര് വൈദ്യുതി കണക്ഷനുമായി ബന്ധപ്പെടുത്തിയില്ലെങ്കില് വൈദ്യുതി വിച്ഛേദിക്കും എന്ന തരത്തില് ചില വ്യാജ എസ്എംഎസ്/ വാട്സാപ് സന്ദേശങ്ങള് ഉപഭോക്താക്കള്ക്ക് ലഭിക്കുന്നതായി ശ്രദ്ധയില്പ്പെട്ടിട്ടുണ്ട്. ഇത്തരം സന്ദേശങ്ങള് ഇപ്പോള് മലയാളത്തിലും ലഭിക്കുന്നുണ്ട്.
സന്ദേശത്തിലെ മൊബൈല് നമ്പരില് ബന്ധപ്പെട്ടാല് കെഎസ്ഇബിയുടെ ഉദ്യോഗസ്ഥന് എന്ന വ്യാജേന സംസാരിച്ച് ഒരു പ്രത്യേക മൊബൈല് ആപ്ലിക്കേഷന് മൊബൈലില് ഇന്സ്റ്റാള് ചെയ്യാന് ആവശ്യപ്പെടുകയും തുടര്ന്ന് ഉപഭോക്താവിന്റെ ബാങ്ക് വിവരങ്ങള് കൈക്കലാക്കി പണം കവരുകയും ചെയ്യുന്ന ശൈലിയാണ് ഇത്തരം തട്ടിപ്പുകാര്ക്കുള്ളത്.
കെഎസ്ഇബി അയക്കുന്ന സന്ദേശങ്ങളില് 13 അക്ക കണ്സ്യൂമര് നമ്പര്, അടയ്ക്കേണ്ട തുക, പണമടയ്ക്കാനുള്ള ലിങ്ക് തുടങ്ങിയ വിവരങ്ങള് ഉള്പ്പെടുത്തിയിരിക്കും. ഉപഭോക്താവിന്റെ ബാങ്ക് അക്കൗണ്ട് വിവരങ്ങള്, ഒടിപി തുടങ്ങിയവ ഒരു ഘട്ടത്തിലും കെഎസ്ഇബി ഉദ്യോഗസ്ഥര് ആവശ്യപ്പെടുന്നതല്ല.
ഉപഭോക്താക്കള് തികഞ്ഞ ജാഗ്രത പുലര്ത്തണം എന്ന് അഭ്യര്ഥിക്കുന്നു. ഇത്തരം വ്യാജ സന്ദേശങ്ങളോട് യാതൊരു കാരണവശാലും പ്രതികരിക്കരുത്.'
RELATED STORIES
ഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT