കോഴിക്കോട് മെഡിക്കല് കോളജിനെ കരള് മാറ്റിവയ്ക്കല് ശസ്ത്രക്രിയ്ക്ക് സജ്ജമാക്കും: മന്ത്രി വീണാ ജോര്ജ്
തിരുവനന്തപുരം: കോഴിക്കോട് മെഡിക്കല് കോളജില് കരള് മാറ്റിവയ്ക്കല് ശസ്ത്രക്രിയയ്ക്ക് ആവശ്യമായ കാര്യങ്ങള് ചെയ്യണമെന്ന് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കി. കോട്ടയം മെഡിക്കല് കോളജില് കരള്മാറ്റിവയ്ക്കല് ശസ്ത്രക്രിയ വിജയകരമായി നടന്നു. തിരുവനന്തപുരം മെഡിക്കല് കോളജില് കരള്മാറ്റിവയ്ക്കല് ശസ്ത്രക്രിയ സജ്ജീകരണം അന്തിമഘട്ടത്തിലാണ്. കോഴിക്കോട് മെഡിക്കല് കോളജിലും കരള്മാറ്റിവയ്ക്കല് ശസ്ത്രക്രിയയ്ക്കാവശ്യമായ സജ്ജീകരണങ്ങള് ഒരുക്കണമെന്നും മന്ത്രി നിര്ദേശിച്ചു. കോഴിക്കോട് മെഡിക്കല് കോളജില് നടന്ന അവലോകന യോഗത്തിലാണ് മന്ത്രി നിര്ദേശം നല്കിയത്.
നിലവിലെ അത്യാഹിത വിഭാഗം പുതിയ ബ്ലോക്കിലേക്ക് ഉടനടി മാറി എമര്ജന്സി മെഡിസിന് വിഭാഗം ആരംഭിക്കാനും നിര്ദേശം നല്കി. കോഴിക്കോട് മെഡിക്കല് കോളജില് നിയോനെറ്റോളജി വിഭാഗം ആരംഭിക്കും. പിഡബ്ല്യുഡി നിര്മ്മാണ പ്രവര്ത്തനങ്ങള് അവലോകനം നടത്തി. പൊതുമരാമത്ത് മന്ത്രിയുടെ സാന്നിധ്യത്തില് കൂടി ചര്ച്ച നടത്താനും തീരുമാനിച്ചു.
കോഴിക്കോടുള്ള ജെന്ഡര്പാര്ക്ക്, മാനസികാരോഗ്യ കേന്ദ്രം എന്നിവ മന്ത്രി സന്ദര്ശിച്ചു. ജീവനക്കാരുമായി ആശയവിനിമയം നടത്തി. മാനസികാരോഗ്യ കേന്ദ്രത്തിലെ വാര്ഡുകള് നോക്കിക്കാണുകയും സൗകര്യങ്ങള് വിലയിരുത്തുകയും ചെയ്തു.
RELATED STORIES
ഫ്രീലാന്സ് ജോലികളുടെ കാലം
20 April 2024 7:03 AM GMTകണ്ണൂരിൽ ബോംബ് സ്ഫോടനത്തിൽ പരിക്കേറ്റ സിപിഎം പ്രവര്ത്തകൻ മരിച്ചു;...
5 April 2024 8:53 AM GMTറിയാസ് മൗലവി കൊലക്കേസ്: ആര്എസ്എസ്സുകാരായ മൂന്ന് പ്രതികളെയും കോടതി...
30 March 2024 6:06 AM GMTഒമ്പത് പോപുലര് ഫ്രണ്ട് മുന് പ്രവര്ത്തകര്ക്ക് ജാമ്യം; എന്ഐഎയ്ക്ക്...
21 March 2024 6:30 AM GMTഭരണഘടനയെ അട്ടിമറിക്കുന്ന മോദി സര്ക്കാരിനെ താഴെയിറക്കുക: പി അബ്ദുല്...
20 March 2024 6:27 PM GMTതമിഴ്നാട്ടില് എസ് ഡിപി ഐ-എഐഎഡിഎംകെ സഖ്യം; ദിണ്ടിഗല് മണ്ഡലത്തില്...
20 March 2024 5:51 PM GMT