ക്രിമിനല്‍ കേസുള്ള വിദ്യാര്‍ഥികള്‍ക്ക് പ്രവേശന വിലക്കേര്‍പ്പെടുത്താന്‍ കേരള സര്‍വകലാശാല

തിരുവനന്തപുരം: ക്രിമിനല്‍ കേസുള്ള വിദ്യാര്‍ഥികള്‍ക്ക് പ്രവേശന വിലക്കേര്‍പ്പെടുത്താനൊരുങ്ങി കേരള സര്‍വകലാശാല. ബിരുദ പ്രവേശനം ലഭിക്കുന്ന വിദ്യാര്‍ഥികള്‍ ക്രിമിനല്‍ കേസുകളില്‍ ഉള്‍പ്പെട്ടിട്ടില്ലെന്ന് സത്യവാങ്മൂലം നല്‍കണം. സത്യവാങ്മൂലം ലംഘിക്കുന്നവരുടെ പ്രവേശനം പ്രിന്‍സിപ്പല്‍മാര്‍ക്ക് റദ്ദാക്കാമെന്നും തീരുമാനിച്ചിട്ടുണ്ട്. പിന്നീട് ഇക്കാര്യത്തില്‍ കോളജ് കൗണ്‍സിലിന് മാത്രമേ അന്തിമ തീരുമാനം സ്വീകരിക്കാനാവൂ. വിസി ഡോ.മോഹനന്‍ കുന്നുമ്മലിന്റെ അധ്യക്ഷതയില്‍ ചേര്‍ന്ന സിന്‍ഡിക്കേറ്റ് ഉപസമിതിയുടേതാണ് തീരുമാനം.