കേരള സ്‌റ്റോറി 2; വിവാദ സിനിമക്ക് ഇടക്കാല സ്‌റ്റേ

കൊച്ചി: വിവാദ സിനിമ കേരള സ്‌റ്റോറി 2വിന് ഇടക്കാല സേറ്റ വിധിച്ച് ഹൈക്കോടതി. മതസൗഹാര്‍ദത്തിന് ഭീഷണിയാണ് സിനിമ എന്ന് ഹൈക്കോടതി നിരീക്ഷിച്ചു. സെന്‍സര്‍ബോര്‍ഡ് സിനിമ വീണ്ടും കാണണമെന്നും കോടതി പറഞ്ഞു.

കേരള സ്റ്റോറി ടുവിന് പ്രദര്‍ശനാനുമതി നല്‍കരുതെന്നും സെന്‍സര്‍ സര്‍ട്ടിഫിക്കറ്റ് റദ്ദാക്കണമെന്നും ആവശ്യപ്പെട്ടുള്ള ഹർജിയിലാണ് ഹൈക്കോടതിയുടെ നടപടി. 15 ദിവസത്തെക്കാണ് ഹൈക്കോടതിയുടെ ഇടക്കാല സ്റ്റേ.

കണ്ണൂര്‍ ചിറ്റാരിപ്പറമ്പ് സ്വദേശി ശ്രീദേവ് നമ്പൂതിരിയാണ് ഹര്‍ജി നല്‍കിയത്. ഒരു പ്രദേശത്തെ ജനതയെയാകെ തെറ്റായ രീതിയില്‍ ചിത്രീകരിക്കുകയാണ് ‘ദ കേരള സ്റ്റോറി 2’, കേരളം വര്‍ഗീയതയുടെയും മതപരിവർത്തനത്തിന്‍റെയും നാടാണെന്ന പ്രചാരണം നടത്താനാണ് സിനിമയിലൂടെ ശ്രമിക്കുന്നതെന്ന് ഹർജിയിൽ പറയുന്നു.