കാസര്‍കോട് യൂത്ത് കോണ്‍ഗ്രസ് നേതാവിന് നേരേ ആക്രമണം; പിന്നില്‍ സിപിഎം എന്ന് ആരോപണം

കാസര്‍കോട്: യൂത്ത് കോണ്‍ഗ്രസ് നേതാവിന് നേരേ കാസര്‍കോട് ആക്രമണം. യൂത്ത് കോണ്‍ഗ്രസ് കാസര്‍കോട് ജില്ലാ സെക്രട്ടറി മാര്‍ട്ടിന്‍ ജോര്‍ജിനാണ് ആക്രമണത്തില്‍ പരിക്കേറ്റത്. മാര്‍ട്ടിനെ മംഗലാപുരത്തെ സ്വകാര്യാശുപത്രിയില്‍ പ്രവേശിപ്പിച്ചു. കോടോത്ത് എരുമക്കുളത്ത് ഇന്നലെ രാത്രി പത്തരയോടെയാണ് ആക്രമണമുണ്ടായത്. കല്ലിയോട്ട് സംഘടിപ്പിച്ച കൃപേഷ്- ശരത് ലാല്‍ സ്മൃതിയാത്ര കഴിഞ്ഞ് മടങ്ങുമ്പോഴായിരുന്നു സംഭവം. ആക്രമണത്തിന് പിന്നില്‍ സിപിഎം ആണെന്ന് യൂത്ത് കോണ്‍ഗ്രസ് ആരോപിച്ചു.