സംഘര്ഷ സാധ്യത; കെ ആര് നാരായണന് ഇന്സ്റ്റിറ്റിയൂട്ട് ജനുവരി എട്ടുവരെ അടച്ചിടും
കോട്ടയം: വിദ്യാര്ഥി സമരം നടക്കുന്ന കോട്ടയം തെക്കുംതല കെ ആര് നാരായണന് ഇന്സ്റ്റിറ്റിയൂട്ട് അടച്ചിടാന് ജില്ലാ കലക്ടര് ഡോ.പി കെ ജയശ്രീ ഉത്തരവിട്ടു. ഇന്ന് മുതല് ജനുവരി എട്ട് വരെ സ്ഥാപനം അടച്ചിടും. സബ് കലക്ടര് നല്കിയ അന്വേഷണ റിപോര്ട്ടിന്റെ അടിസ്ഥാനത്തിലാണ് ജില്ലാ മജിസ്ട്രേറ്റ് കൂടിയായ ജില്ലാ കലക്ടറുടെ നടപടി. ഹോസ്റ്റലുകള് ഒഴിയണമെന്ന് ഉത്തരവില് പറയുന്നു.
ഇന്സ്റ്റിറ്റിയൂട്ട് ഡയറക്ടര് ഉത്തരവിന്മേ നടപടി സ്വീകരിക്കണം. 2011ലെ കേരള പോലിസ് ആക്ടിലെ വകുപ്പ് 81 പ്രകാരമാണ് നടപടി. ഡിസംബര് അഞ്ച് മുതല് വിദ്യാര്ഥികളുടെ സമരം നടന്നുവരികയാണ്. ഞായറാഴ്ച മുതല് നിരാഹാരം ഉള്പ്പെടെയുള്ള ശക്തമായ സമരപരിപാടികളിലേക്ക് കടക്കാന് വിദ്യാര്ഥികള് തീരുമാനിച്ചിരുന്നു. ഈ സാഹചര്യത്തില് അനിഷ്ടസംഭവങ്ങള്ക്ക് സാധ്യതയുണ്ടെന്നും ക്രമസമാധാനപാലനത്തെ ദോഷകരമായി ബാധിക്കാനിടയുണ്ടെന്നും കാട്ടി സബ് കലക്ടര് റിപോര്ട്ട് നല്കിയിരുന്നു. ഇതുപ്രകാരം 2011ലെ കേരള പോലിസ് ആക്ടിലെ വകുപ്പ് 81 പ്രകാരമാണ് കോളജ് പൂട്ടാന് ഉത്തരവിട്ടത്. എന്നാല്, സമരം തുടരുമെന്ന നിലപാടില് ഉറച്ചുനില്ക്കുകയാണ് വിദ്യാര്ഥികള്.
ഹോസ്റ്റല് ഒഴിയില്ലെന്നും സമരം തുടരുമെന്നും വിദ്യാര്ഥികള് അറിയിച്ചു. കഴിഞ്ഞ ഡിസംബര് അഞ്ചുമുതലാണ് വിദ്യാര്ഥികള് ഇന്സ്റ്റിറ്റിയൂട്ട് ഡയറക്ടര് ശങ്കര് മോഹന്റെ ജാതിവിവേചനത്തിനെതിരേ വിദ്യാര്ഥികള് സമരം തുടങ്ങിയത്. എസ്സി-എസ്ടി വിഭാഗങ്ങള്ക്ക് ഇന്സ്റ്റിറ്റിയൂട്ടില് പഠനം നിഷേധിക്കുന്ന സാഹചര്യമുണ്ടായെന്നാണ് ആരോപണം. സ്ഥാപനത്തിലെ വനിതാ ജിവനക്കാരെക്കൊണ്ട് ഡയറക്ടറുടെ വീട്ടുജോലികള് ചെയ്യിക്കുകയാണെന്നും ആരോപണമുയര്ന്നിരുന്നു.
RELATED STORIES
എസ്എന്സി ലാവ്ലിന് കേസ് അന്തിമവാദത്തിനായി ബുധനാഴ്ചത്തേക്ക് ലിസ്റ്റ്...
5 May 2024 1:23 PM GMTമുസ്ലിംകൾക്കെതിരെ വീണ്ടും വിദ്വേഷ വീഡിയോയുമായി ബിജെപി
5 May 2024 1:16 PM GMTജമ്മു കശ്മീരിൽ അതീവ ജാഗ്രത; പൂഞ്ചില് കൂടുതല് സൈനികരെ വിന്യസിച്ചു
5 May 2024 12:49 PM GMTരാജസ്ഥാനിൽ കാറപകടം; കുടുംബത്തിലെ ആറ് പേർക്ക് ദാരുണാന്ത്യം, രണ്ട്...
5 May 2024 12:43 PM GMTമധ്യപ്രദേശില് മണല് മാഫിയ പോലിസുകാരനെ ട്രാക്ടര് കയറ്റിക്കൊന്നു
5 May 2024 12:41 PM GMTകൊല്ക്കത്തയില് മോഹന് ബഗാന് വീണു; ഐഎസ്എല് കിരീടം മുംബൈ...
4 May 2024 4:46 PM GMT