ഷോപ്പിയാനില്‍ ഏറ്റുമുട്ടല്‍; രണ്ട് സായുധരെ വെടിവച്ചുകൊന്നു

ഷോപ്പിയാന്‍: ജമ്മു കശ്മീരിലെ ഷോപ്പിയാനില്‍ സുഗാന്‍ പ്രദേശത്ത് സുരക്ഷാസേനും സായുധരും ഏറ്റുമുട്ടി. രണ്ട് സായുധര്‍ കൊല്ലപ്പെട്ടു. ഏത് സംഘടനയില്‍ പെട്ടവരാണ് കൊല്ലപ്പെട്ടവരെന്ന കാര്യം വ്യക്തമല്ല. ഇന്നലെ രാവിലെ തുടങ്ങിയ ഏറ്റുമുട്ടല്‍ ഇപ്പോഴും തുടരുകയാണ്.

''ഷോപ്പിയാനില്‍ ഏറ്റുമുട്ടല്‍, രണ്ട് സായുധര്‍ കൊല്ലപ്പെട്ടു, ഏറ്റുമുട്ടല്‍ തുടരുകയാണ്''- ജമ്മു കശ്മീര്‍ പോലിസ് ട്വീറ്റ് ചെയ്തു.

അവാന്ദിപോറ ജില്ലയില്‍ സമ്പൂറയിലും സമാനമായ രീതിയില്‍ ഏറ്റുമുട്ടല്‍ നടന്നിരുന്നു. അവിടെയും രണ്ടു സായുധര്‍ കൊല്ലപ്പെട്ടു. സപ്തംബര്‍ 27നാണ് അത്.