തെക്കന്‍ ലെബനനിലെ ജനവാസ മേഖലകളില്‍ ഇസ്രായേല്‍ ഫോസ്ഫറസ് ഉപയോഗിച്ചതായി റിപോര്‍ട്ട്

ലെബനന്‍: ഈ മാസം ആദ്യം തെക്കന്‍ ലെബനനിലെ ജനവാസ മേഖലകളില്‍ ഇസ്രായേല്‍ വെളുത്ത ഫോസ്ഫറസ് ഉപയോഗിച്ചതായി ഹ്യൂമന്‍ റൈറ്റ്‌സ് വാച്ച് റിപോര്‍ട്ട്. മാര്‍ച്ച് 3 നാണ് സംഭവം. ലെബനനിലെ യോഹ്‌മൂര്‍ പ്രദേശത്താണ് ഇസ്രായേല്‍ മിസൈല്‍ വര്‍ഷിച്ചത്. കുറഞ്ഞത് രണ്ട് വീടുകളെങ്കിലും അഗ്‌നിക്കിരയായെന്നാണ് റിപോര്‍ട്ടുകള്‍.

വെളുത്ത ഫോസ്ഫറസ് വളരെ അപകടകരമായ ഒരു രാസവസ്തുവാണ്. വായുവുമായി സമ്പര്‍ക്കം വരുമ്പോള്‍ തീപിടിക്കുകയും ഇത് മനുഷ്യശരീരത്തില്‍ പതിച്ചാല്‍, അത് വളരെ ആഴത്തിലുള്ളതും വേദനാജനകവുമായ പൊള്ളലുകള്‍ക്ക് കാരണമാകുകും ചെയ്യും. മാരകമായ പൊള്ളലുകളഅ# മരണത്തിലേക്ക് വരെ നയിക്കാം.

ഇതിന്റെ പുക ശ്വസിക്കുന്നത് ശ്വാസകോശം നശിക്കുന്നതിനു വരെ കാരണമാകും.അതിനാല്‍തന്നെ, റെസിഡന്‍ഷ്യല്‍ ഏരിയകളില്‍ ഇതിന്റെ ഉപയോഗം അങ്ങേയറ്റം അപകടകരവും അന്താരാഷ്ട്ര ചട്ടങ്ങള്‍ക്ക് വിരുദ്ധവുമാണ്.