കര്ണാടക വോട്ടര് പട്ടികയില് ക്രമക്കേട്; പരാതിയുമായി കോണ്ഗ്രസ്
ബംഗളൂരു: കര്ണാടകയിലെ വോട്ടര് പട്ടികയില് അനധികൃതമായി തിരുത്തലുകള് വരുത്തിയെന്ന ആരോപണത്തില് തിരഞ്ഞെടുപ്പ് കമ്മീഷന് പരാതി നല്കാനൊരുങ്ങി കോണ്ഗ്രസ്. ന്യൂനപക്ഷ, ദളിത് വോട്ടര്മാരെ തെരഞ്ഞുപിടിച്ച് പട്ടികയില് നിന്ന് ഒഴിവാക്കിയെന്നാണ് ആരോപണം. തെരഞ്ഞെടുപ്പ് കമ്മീഷന്റെ അനുമതിയില്ലാതെ വോട്ടര്മാരുടെ വിവരങ്ങള് ശേഖരിക്കുകയും വ്യക്തിപരമായ ഡേറ്റ, സുരക്ഷാമാനദണ്ഡങ്ങള് മറികടന്ന് കൈവശംവയ്ക്കുകയും ചെയ്തുവെന്ന ആരോപണം നേരിടുന്ന ചിലുമെ ഗ്രൂപ്പിനെതിരെയാണ് കോണ്ഗ്രസിന്റെ പരാതി. ഭരണമുന്നണിക്കൊപ്പം ചേര്ന്ന് ചിലുമെ ഗ്രൂപ്പ് വോട്ടര് പട്ടികയില് കൃത്രിമം നടത്തിയെന്നാണ് കോണ്ഗ്രസിന്റെ ആക്ഷേപം.
ബംഗളൂരുവിലെ ശിവാജിനഗര് മണ്ഡലത്തില് മാത്രം 9,915 വോട്ടര്മാരെ പട്ടികയില് നിന്ന് അനധികൃതമായി ഒഴിവാക്കാന് ശ്രമിച്ചെന്നും പാര്ട്ടി ആരോപിക്കുന്നു. ന്യൂനപക്ഷ, ദലിത് വോട്ടര്മാരുടെ ശക്തമായ സാന്നിധ്യമുള്ള 91 ബൂത്തുകള് തേടിപ്പിടിച്ചാണ് ലിസ്റ്റ് വെട്ടിത്തിരുത്തിയതെന്നും പരാതിയുണ്ട്. പട്ടികയില് നിന്ന് പുറത്താക്കുമെന്ന് നോട്ടിസ് നല്കപ്പെട്ട 22 പേര് കോടതിയെ സമീപിച്ചതോടെ ഇവരുടെ പേരുകള് നീക്കം ചെയ്യരുതെന്ന് കോടതി ഉത്തരവിട്ടു. എന്നാല്, എല്ലാവര്ക്കും കോടതിയെ സമീപിച്ച് നീതി നേടാനാവില്ലെന്നും തെരഞ്ഞെടുപ്പിന് ആറ് മാസം മുമ്പ് സ്വമേധയാ പട്ടികയില് നിന്ന് പേര് വെട്ടുന്നത് ക്രമവിരുദ്ധമാണെന്നും പരാതിയില് ചൂണ്ടിക്കാട്ടുന്നു.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT