ഇന്ത്യന് വംശജരായ ഒരു കുടുംബത്തിലെ മൂന്നുപേര് കാനഡയില് ദുരൂഹസാഹചര്യത്തില് മരിച്ച നിലയില്
ഒട്ടാവ: ഇന്ത്യന് വംശജരായ ദമ്പതിമാരേയും മകളേയും സംശയാസ്പദമായ സാഹചര്യത്തില് കാനഡയിലെ വസതിയില് മരിച്ചനിലയില് കണ്ടെത്തിയതായി പോലിസ്. ഒന്റാറിയോ പ്രവിശ്യയിലെ വീട്ടില് മാര്ച്ച് ഏഴിനുണ്ടായ തീപ്പിടിത്തത്തില്പ്പെട്ടാണ് മൂന്നുപേരും കൊല്ലപ്പെട്ടതെന്ന് പോലിസ് വാര്ത്താക്കുറിപ്പില് വ്യക്തമാക്കി.
രാജീവ് വാരികൂ (51), ഭാര്യ ശില്പ കോത്ത (47), മകള് മെഹക് വാരികൂ (16) എന്നിവരാണ് മരിച്ചതെന്നാണ് പോലിസിന്റെ നിഗമനം. കത്തിനശിച്ച വീട്ടില് തീ അണച്ചതിനുശേഷം പോലിസ് നടത്തിയ തിരച്ചിലാണ് ശരീരാവശിഷ്ടങ്ങള് ലഭിച്ചത്. അപകടത്തില് മരിച്ചവരെ സംബന്ധിച്ച് ആ സമയത്ത് വ്യക്തത ലഭിച്ചിരുന്നില്ല. വെള്ളിയാഴ്ചയാണ് മരിച്ചവരെ കുറിച്ച് കൃത്യമായൊരു നിഗമനത്തില് അന്വേഷണസംഘം എത്തിച്ചേര്ന്നത്.
തീപ്പിടിത്തത്തെ കുറിച്ച് സംശയങ്ങള് നിലനില്ക്കുന്നതായി പീല് പോലിസ് കോണ്സ്റ്റബിള് ടാറിന് യങ് പ്രതികരിച്ചതായി സിടിവി ന്യൂസ് റിപ്പോര്ട്ട് ചെയ്തു. നരഹത്യയുമായി ബന്ധപ്പെട്ട് പ്രവര്ത്തിക്കുന്ന വിഭാഗവുമായി ചേര്ന്നാണ് നിലവില് അന്വേഷണം നടത്തുന്നതെന്നും ആകസ്മികമായുണ്ടായ തീപ്പിടിത്തമാണെന്ന കാര്യത്തില് സംശയമുണ്ടെന്ന് ഒന്റാറിയോ ഫയര് മാര്ഷല് അറിയിച്ചതായും ടാറിന് യങ് പറഞ്ഞതായി റിപ്പോര്ട്ടില് പറയുന്നു.
കഴിഞ്ഞ 15 കൊല്ലമായി രാജീവും കുടുംബവും അവിടെ താമസിച്ചുവരികയാണെന്നും ഏതെങ്കിലും തരത്തിലുള്ള പ്രശ്നങ്ങള് അവരെ അലട്ടിയിരുന്നതായി ശ്രദ്ധയില്പ്പെട്ടിട്ടില്ലെന്നും അയല്വാസിയായ കെന്നത്ത് യൂസഫ് പറഞ്ഞു. അപകടവുമായി ബന്ധപ്പെട്ട് എന്തെങ്കിലും വിവരമോ വീഡിയോ ദൃശ്യങ്ങളോ നല്കാനുള്ളവര് എത്രയും പെട്ടെന്ന് ബന്ധപ്പെടണമെന്ന് പോലിസ് അറിയിച്ചു.
RELATED STORIES
ഇ പി എന്ന പാപി
27 April 2024 1:30 PM GMTഅമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTവിവാഹാഘോഷത്തിനിടെ പടക്കം പൊട്ടിച്ചു; തീ പടർന്ന് കുട്ടികളടക്കം ആറുപേർ...
27 April 2024 9:10 AM GMTതീപിടിച്ച കെട്ടിടത്തില് നിന്നും സ്വന്തം ജീവന് പണയംവെച്ച് 50 പേരെ...
27 April 2024 9:09 AM GMT