ഇന്ത്യ-പാക് സംഘര്‍ഷം അവസാനിപ്പിക്കാന്‍ ഒരു മൂന്നാം കക്ഷിയുടെയും സഹായം തേടിയിട്ടില്ല; ചൈനയ്ക്ക് മറുപടിയുമായി ഇന്ത്യ

ന്യൂഡല്‍ഹി: ഇന്ത്യയും പാകിസ്താനും തമ്മിലുള്ള സംഘര്‍ഷങ്ങളില്‍ മധ്യസ്ഥത വഹിച്ചെന്ന ചൈനയുടെ അവകാശവാദം തള്ളി കേന്ദ്ര സര്‍ക്കാര്‍. സദഘര്‍ഷം പരിഹരിച്ചത് ഇരുരാജ്യങ്ങളും നേരിട്ട് നടത്തിയ ചര്‍ച്ചകളിലൂടെയാണെന്നും ഇതിനായി ഒരു മൂന്നാം കക്ഷിയുടെയും സഹായം തേടിയിട്ടില്ലെന്നും ഇന്ത്യ വ്യക്തമാക്കി.

ഇന്ത്യ - പാകിസ്താന്‍ സംഘര്‍ഷം അവസാനിപ്പിക്കാന്‍ മദ്ധ്യസ്ഥത വഹിച്ചത് തങ്ങളാണെന്ന അവകാശവാദവമുന്നയിച്ചത് ചൈനീസ് വിദേശകാര്യമന്ത്രി വാംഗ് യി ആണ് . ബീജിംഗില്‍ നടന്ന രാജ്യാന്തര പരിപാടിയിലാണ് പഹല്‍ഗാം ആക്രമണത്തിന് പിന്നാലെയുണ്ടായ ഇന്ത്യ പാക് പ്രശ്നങ്ങള്‍ അവസാനിപ്പിച്ചത് തങ്ങളാണെന്ന് വാംഗ് യി പറഞ്ഞത്.

ലോകത്താകമാനം സംഘര്‍ഷങ്ങളും അസ്ഥിരതയും വര്‍ദ്ധിച്ചുവരികയാണെന്നും ഇന്ത്യ - പാക് സംഘര്‍ഷം, വടക്കന്‍ മ്യാന്‍മാര്‍, ഇറാനിലെ ആണവ പ്രശ്‌നം, ഫലസ്തീനും ഇസ്രയേലും തമ്മിലുള്ള പ്രശ്‌നം, കംബോഡിയ - തായ്‌ലന്‍ഡ് സംഘര്‍ഷം തുടങ്ങിയ രാജ്യാന്തര സംഘര്‍ഷങ്ങള്‍ പരിഹരിക്കാന്‍ ചൈന വസ്തുനിഷ്ഠവും നീതിയുക്തവുമായ നിലപാടാണ് സ്വീകരിച്ചതെന്നും അദ്ദേഹം പറഞ്ഞിരുന്നു.