ഗവര്‍ണറെ ആക്ഷേപിച്ചാല്‍ മന്ത്രിപ്പണി കളയും: ഭീഷണിയുമായി കേരള ഗവര്‍ണര്‍

തിരുവനന്തപുരം: കേരള സര്‍ക്കാരും ഗവര്‍ണറും തമ്മിലുള്ള പോര് പുതിയ തലത്തിലേക്ക് വളരുന്നു. തന്നെ വ്യക്തിപരമായി ആക്ഷേപിക്കുന്നവരുടെ മന്ത്രിപ്പണി തന്നെ കളയുമെന്നാണ് ഗവര്‍ണറുടെ ഇത്തവണത്തെ ഭീഷണി.

ട്വിറ്ററിലൂടെയാണ് ഗവര്‍ണര്‍ ആരിഫ് മുഹമ്മദ് ഖാന്‍ ഭീഷണി മുഴക്കിയിരിക്കുന്നത്. മന്ത്രിമാര്‍ക്കും മന്ത്രിസഭയ്ക്കും ഗവര്‍ണറെ ഉപദേശിക്കാനുള്ള അധികാരമുണ്ടെങ്കിലും വ്യക്തിപരമായ ആക്ഷേപങ്ങളോട് കടുത്ത നിലപാടെടുക്കുമെന്ന് ഗവര്‍ണര്‍ മുന്നറിയിപ്പ് നല്‍കി.

സര്‍വകലാശാലാ നിയമനങ്ങളില്‍ത്തുടങ്ങിയ വാക്‌പോര് ഇപ്പോഴും തുടരുകയാണ്.

നേരത്തെ നടന്ന വിവാദങ്ങളില്‍ഇടപെട്ട് മുഖ്യമന്ത്രി പിണറായി വിജയന്‍ ഗവര്‍ണറെ വിമര്‍ശിച്ചിരുന്നു. അതിനുപിന്നാലെ പി രാജീവും വിമര്‍ശിച്ചു. തുടര്‍ന്നാണ് ഗവര്‍ണറുടെ ഭീഷണി.