മാവേലിക്കരയില്‍ വീടിന്റെ മേല്‍ക്കൂര തകര്‍ന്ന് മൂന്നുപേര്‍ക്കു പരിക്ക്

മാവേലിക്കര: മാവേലിക്കരയില്‍ വീടിന്റെ മേല്‍ക്കൂര തകര്‍ന്ന് മൂന്നുപേര്‍ക്കു പരിക്കേറ്റു. വെള്ളിയാഴ്ച പുലര്‍ച്ചെ അഞ്ചോടെ തെക്കേക്കര ചൂരല്ലൂര്‍ എല്‍ഐസി കോളനിയില്‍ സരോജിനിയുടെ വീടാണ് തകര്‍ന്നത്. അപകട സമയത്ത് വീട്ടിലുണ്ടായിരുന്ന സരോജിനിക്കും മകന്‍ ശരത്തിനും ബന്ധു ബിപിനുമാണ് പരിക്കേറ്റത്. ഇവരെ കറ്റാനത്തെ സ്വകാര്യ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാത്രിയുണ്ടായ കനത്ത മഴയാണ് അപകടത്തിനു കാരണമായത്. എന്നാല്‍ വീടിന്റെ ഭിത്തികള്‍ ഇടിഞ്ഞു വീഴാതിരുന്നതിനാല്‍ ദുരന്തം ഒഴിവായി.

House roof collapsed in Mavelikkara