ജമ്മു കശ്മീരിൽ അതീവ ജാഗ്രത; പൂഞ്ചില്‍ കൂടുതല്‍ സൈനികരെ വിന്യസിച്ചു

ന്യൂഡല്‍ഹി: ജമ്മു കശ്മീരിലെ പൂഞ്ചില്‍ സൈനിക വാഹനവ്യൂഹത്തിന് നേരെ നടന്ന ആക്രമണത്തിന് പിന്നാലെ മേഖല അതീവ ജാഗ്രത. ആക്രമണം നടത്തിയ ഭീകരര്‍ക്കായി തിരച്ചില്‍ തുടരുകയാണ്. ആക്രമണത്തില്‍ ഒരു വ്യോമസേന സൈനികന്‍ വീര്യമൃത്യു വരിച്ചിരുന്നു. ഒരു സൈനികന്റെ നില ഗുരുതരമായി തുടരുകയാണ്. പരിക്കേറ്റ മറ്റ് മൂന്ന് പേരുടെ നില തൃപ്തികരമാണ്.

രണ്ടു സൈനിക വാഹനങ്ങളിലായി സഞ്ചരിച്ച സൈനികര്‍ക്ക് നേരെയാണ് ആക്രമണം ഉണ്ടായത്. ഈ മേഖലയില്‍ മെയ് 25 ന് തിരഞ്ഞെടുപ്പ് നടക്കാനിരിക്കെ ഉണ്ടായ ആക്രമണത്തെ ഏറെ ഗൗരവത്തോടെയാണ് സര്‍ക്കാര്‍ കാണുന്നത് ആക്രമണം നടന്ന പൂഞ്ചിലെ ഷാസിതാറില്‍ കൂടുതല്‍ സൈനികരെ എത്തിച്ചു. അക്രമികള്‍ക്കായി വ്യാപക തെരച്ചില്‍ തുടരുന്നു. പരിക്കേറ്റ സൈനികര്‍ ഉധംപൂരിലെ സൈനിക ആശുപത്രിയില്‍ ചികിത്സയില്‍ രാജ്‌നാഥ് സിങ്, കര, വ്യോമസേന മേധാവിമാരുമായി സംസാരിച്ചു.