ഗള്ഫ് രാജ്യങ്ങളില് കനത്ത മഴ: നാല് വിമാനങ്ങള് റദ്ദാക്കി; നിരവധി സര്വീസുകള് വൈകി
യു.എ.ഇ., ഒമാന്, ബഹ്റൈന് എന്നിവിടങ്ങളില് തിങ്കളാഴ്ച തുടങ്ങിയ മഴ ചൊവ്വാഴ്ച പുലര്ച്ചയോടെയാണ് ശക്തിപ്രാപിച്ചത്. ബുധനാഴ്ചയും മഴ തുടരാനാണ് സാധ്യതയെന്ന് വിവിധ കാലാവസ്ഥാകേന്ദ്രങ്ങള് അറിയിച്ചു. വെള്ളപ്പൊക്കത്തില്പ്പെട്ട് ഒട്ടേറെ വാഹനങ്ങള് ഒഴുകിപ്പോയി. കെട്ടിടാവശിഷ്ടങ്ങളും മറ്റും വീണ് വാഹനങ്ങള്ക്ക് കേടുപാടുണ്ടായി. പലയിടങ്ങളിലും റോഡുകള് ഇടിഞ്ഞുതാഴ്ന്നു. സ്കൂള്പഠനം ഓണ്ലൈനാക്കിയിരിക്കുകയാണ്.
സര്ക്കാര്സ്വകാര്യ സ്ഥാപനങ്ങള്ക്കും വര്ക്ക് ഫ്രം ഹോം പ്രഖ്യാപിച്ചിട്ടുണ്ട്. വിവിധ ഗള്ഫ് രാജ്യങ്ങളില് ബുധനാഴ്ച മണിക്കൂറില് 70 കിലോമീറ്റര് വേഗത്തില് കാറ്റ് വീശുമെന്നാണ് പ്രവചനം. ദുബായ്, അബുദാബി തീരപ്രദേശങ്ങളിലെല്ലാം കാറ്റ് ശക്തമായിരുന്നു. ഒമാനിലെ പേമാരിയില് 18 പേരാണ് ഇതുവരെ മരിച്ചത്. ഇതില് 10 പേര് സ്കൂള്വിദ്യാര്ഥികളാണ്. ഒട്ടേറെപ്പേരെ കാണാതായിട്ടുണ്ട്. ഇതുവരെയുള്ള നാശനഷ്ടങ്ങള് കണക്കാക്കിയിട്ടില്ല. ബുധനാഴ്ച വൈകുന്നേരത്തോടെ സ്ഥിതിഗതികള് മെച്ചപ്പെടുമെന്നാണ് വിവരം. യു.എ.ഇ.യില് വ്യാപകനാശനഷ്ടമാണുണ്ടായത്. ഒട്ടേറെ റോഡുകള് തകര്ന്നു. ദുബായ് മെട്രോ സ്റ്റേഷനില് വെള്ളം കയറി. താമസസ്ഥലങ്ങളും വെള്ളത്തിലായി.
RELATED STORIES
കണ്ണൂര് ചെറുകുന്നില് കാറും ലോറിയും കൂട്ടിയിടിച്ച് അഞ്ചു മരണം
29 April 2024 7:30 PM GMTഎല്ഡിഎഫ് പരസ്യം; സുപ്രഭാതത്തിനും ദീപികയ്ക്കും തിരഞ്ഞെടുപ്പ്...
29 April 2024 3:49 PM GMTഇ പിക്കുള്ള സംരക്ഷണം സിപിഎമ്മിലെ ബിജെപി സ്വാധീനത്തിനു തെളിവെന്ന് കെ...
29 April 2024 3:25 PM GMTവിദ്വേഷപ്രസംഗത്തില് മോദിക്കെതിരേ കേസെടുക്കണം;എസ് ഡിപി ഐ പ്രതിഷേധ...
29 April 2024 3:07 PM GMTഉഷ്ണതരംഗ സാധ്യത; സര്ക്കാര്-സ്വകാര്യ ഐടിഐകള്ക്ക് മെയ് നാലുവരെ അവധി
29 April 2024 2:57 PM GMTഅമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMT