പുതിയ തിരഞ്ഞെടുപ്പ് കമ്മീഷണര്മാര് ചുമതലയേറ്റു
കേരള കേഡര് ഉദ്യോഗസ്ഥനായ ഗ്യാനേഷ് കുമാര്, പഞ്ചാബ് കേഡറിലുള്ള മുന് ഐ എസ് എസ് ഉദ്യോഗസ്ഥന് ഡോ. സുഖ്ബീര് സിങ് സന്ധു എന്നിവരാണ് ചുമതലയേറ്റത്.
ന്യൂഡല്ഹി: ലോക്സഭ തിരഞ്ഞെടുപ്പ് തിയ്യതി പ്രഖ്യാപിക്കുന്നതിന് മുന്നോടിയായി പുതിയ തിരഞ്ഞെടുപ്പ് കമ്മീഷണര്മാര് ചുമതലയേറ്റു. കേരള കേഡര് ഉദ്യോഗസ്ഥനായ ഗ്യാനേഷ് കുമാര്, പഞ്ചാബ് കേഡറിലുള്ള മുന് ഐഎസ്എസ് ഉദ്യോഗസ്ഥന് ഡോ സുഖ്ബീര് സിങ് സന്ധു എന്നിവരാണ് ചുമതലയേറ്റത്. തിരഞ്ഞെടുപ്പ് തിയ്യതിയെക്കുറിച്ച് ആലോചിക്കാന് ഉടന് യോഗം ചേരും. വോട്ടെടുപ്പിന് പൂര്ണ്ണ സജ്ജമാണെന്ന് തിരഞ്ഞെടുപ്പ് കമ്മീഷന് അറിയിച്ചു.
പ്രധാനമന്ത്രി നരേന്ദ്രമോദി അധ്യക്ഷനായ മൂന്നംഗ സമിതിയാണ് ഗ്യാനേഷ് കുമാര്, ഡോ സുഖ്ബീര് സിങ് സന്ധു എന്നിവരെ പുതിയ കമ്മീഷണര്മാരായി തിരഞ്ഞെടുത്തത്. കോഓപ്പറേഷന് വകുപ്പ് സെക്രട്ടറി, പാര്ലമെന്ററി കാര്യ സെക്രട്ടറി എന്നീ നിലകളില് പ്രവര്ത്തിക്കുന്ന ഗ്യാനേഷ് കുമാര് 1988ലെ കേരള കേഡര് ഉദ്യോഗസ്ഥനാണ്. ഉത്തരാഖണ്ഡ് ചീഫ് സെക്രട്ടറി സ്ഥാനത്തുനിന്ന് വിരമിച്ച ഡോ സുഖ്ബീര് സിങ് സന്ധു നാഷനല് ഹൈവേ അതോറിറ്റി ചെയര്മാന്, ഉന്നത വിദ്യാഭ്യാസ വകുപ്പ് അഡീ സെക്രട്ടറി, മാനവവിഭവ വികസന വകുപ്പ് അഡീ. സെക്രട്ടറി സ്ഥാനങ്ങള് വഹിച്ചിട്ടുണ്ട്.
ഫെബ്രുവരിയില് അനുപ് ചന്ദ്ര പാണ്ഡെ വിരമിച്ച ശേഷം പകരം തിരഞ്ഞെടുപ്പ് കമ്മീഷണറെ നിയമിച്ചിരുന്നില്ല. അഭിപ്രായ വ്യത്യാസങ്ങളെ തുടര്ന്ന് അരുണ് ഗോയല് കഴിഞ്ഞയാഴ്ച രാജിവെച്ച സാഹചര്യത്തില് കമ്മീഷനില് ചീഫ് ഇലക്ഷന് കമ്മീഷണര് രാജീവ് കുമാര് മാത്രം ബാക്കിയായതോടെയാണ് പുതിയ തിരഞ്ഞെടുപ്പ് കമ്മീഷണര്മാരെ നിയമിച്ചത്. പ്രധാനമന്ത്രി നരേന്ദ്രമോദി അധ്യക്ഷനായ സമിതിയില് പ്രധാനമന്ത്രി നിര്ദേശിക്കുന്ന ഒരു കേന്ദ്രമന്ത്രിയും കോണ്ഗ്രസ് ലോക്സഭ കക്ഷി നേതാവ് അധിര് രഞ്ജന് ചൗധരിയും അംഗമായിരുന്നു.
RELATED STORIES
മൂവാറ്റുപുഴയില് കനത്ത മഴയില് മൂന്നു വാഹനങ്ങള് കൂട്ടിയിടിച്ച് അപകടം; ...
11 May 2024 5:10 PM GMTജനങ്ങളെ മതത്തിന്റെ പേരില് ഭിന്നിപ്പിക്കരുത്'; സിപിഐഎമ്മിനോട് കൈകൂപ്പി ...
11 May 2024 3:32 PM GMTകെജ് രിവാളിന്റെ ജാമ്യം: തിരഞ്ഞെടുപ്പില് പ്രതിഫലിക്കുമെന്ന്...
10 May 2024 1:54 PM GMT'ഇപ്പോഴും ഊമക്കത്തുകൾ വരുന്നുണ്ട്, കേസിൽ രണ്ട് പേരെ സംശയം';...
10 May 2024 11:28 AM GMTസാമൂഹിക സംവരണം അട്ടിമറിക്കാന് ഇടതുസര്ക്കാര് ആസൂത്രിത ശ്രമം...
10 May 2024 10:22 AM GMTകെഎസ്ആര്ടിസി സ്വിഫ്റ്റ് ഡ്രൈവറെ ബസില് കയറി മര്ദ്ദിച്ചു; ഏഴ് ...
10 May 2024 8:41 AM GMT