കൊല്ലത്ത് കൊച്ചുമകന്‍ മുത്തശ്ശിയെ കഴുത്തറുത്ത് കൊന്നു

കൊല്ലം: ചവറയില്‍ പെന്‍ഷന്‍ പണം നല്‍കാത്തതിന്റെ ദേഷ്യത്തില്‍ മുത്തശ്ശിയെ കഴുത്തറുത്ത് കൊലപ്പെടുത്തി ചെറുമകന്‍. ചവറ വട്ടത്തറ കണിയാന്റെയ്യത്ത് തെക്കതില്‍ വീട്ടില്‍ സുലേഖ ബീവി(70)യാണ് മരിച്ചത്. സംഭവത്തില്‍ കൊച്ചുമകന്‍ ഷഹനാസ്(28)നെ ചവറ പോലിസ് കസ്റ്റഡിയിലെടുത്തു.

സുലേഖ ബീവിയുടെ തല കട്ടിലിനടിയില്‍ കവറില്‍ സൂക്ഷിച്ച നിലയിലായിരുന്നു കണ്ടെത്തിയത്. കൊലപാതകം നേരില്‍ കണ്ട ഷഹനാസിന്റെ മാതാവ് മുംതാസ് ജീവനൊടുക്കാന്‍ ശ്രമിച്ചു. ഷഹനാസ് ലഹരി ഉപയോഗിക്കുന്ന ആളാണെന്നാണ് ചവറ പോലിസ് പറയുന്നത്. ഷഹനാസ് മുന്‍പും പല കേസുകളിലും പ്രതിയായിരുന്നതായും പോലിസ് പറഞ്ഞു.