വിദ്യാര്‍ഥിനിയെ വഴിയില്‍ വച്ച് പീഡിപ്പിക്കാന്‍ ശ്രമിച്ചെന്ന്; യുവാവ് അറസ്റ്റില്‍

കോഴിക്കോട്: സ്‌കൂള്‍ വിദ്യാര്‍ഥിനിക്കെതിരെ ലൈംഗികാതിക്രമം നടത്തിയ പ്രതി അറസ്റ്റില്‍. പാറക്കല്‍ സ്വദേശി സജിത്തിനെ (32)യാണ് അറസ്റ്റ് ചെയ്തത്. ജൂണ്‍ ഏഴിനാണ് കേസിന് ആസ്പദമായ സംഭവം. പിതാവിന്റെ ഫോണ്‍ സുഹൃത്തിന് കൈമാറാന്‍ പോകവേ പാറക്കുളം അയ്യപ്പമഠം റോഡിലെ പാര്‍ക്കിന് സമീപം തടഞ്ഞുവെച്ച് ലൈംഗികാതിക്രമം നടത്തുകയായിരുന്നു. പോക്‌സോ നിയമപ്രകാരമുള്ള വകുപ്പുകള്‍ ഉള്‍പ്പെടുത്തിയ കേസില്‍ പ്രതിയെ റിമാന്‍ഡ് ചെയ്തു.