മുഹറം ഒന്നുമുതല്‍ വിദേശങ്ങളില്‍ നിന്നുള്ളവര്‍ക്കും ഉംറക്ക് അനുമതി

മക്ക: മുഹറം മുതല്‍ വിദേശ രാജ്യങ്ങളില്‍നിന്നുള്ളവര്‍ക്കും ഉംറ പെര്‍മിറ്റ് അനുവദിച്ച് തുടങ്ങുമെന്ന് സൗദി. മുഹറം ഒന്നു മുതലാണ് ഉംറ അനുവദിക്കുക. പതിനെട്ട് വയസിന് മുകളിലുള്ള വാക്‌സിന്‍ രണ്ടു ഡോസ് സ്വീകരിച്ചവര്‍ക്കെല്ലാം പ്രവേശനം അനുവദിക്കും.

അതേസമയം, ഇന്ത്യ അടക്കം 9 രാജ്യങ്ങളില്‍ നിന്നുള്ളവര്‍ക്ക് നേരിട്ട് പ്രവേശനം അനുവദിക്കില്ല. ഇന്ത്യക്ക് പുറമെ, പാക്കിസ്താന്‍, ഇന്തോനേഷ്യ, ഈജിപ്ത്, തുര്‍ക്കി, അര്‍ജന്റീന, ബ്രസീല്‍, ദക്ഷിണാഫ്രിക്ക, ലെബനോണ് എന്നീ രാജ്യങ്ങളില്‍ നിന്നുള്ളവര്‍ക്കാണ് നേരിട്ട് വരാന്‍ അനുമതിയില്ലാത്തത്. ഈ രാജ്യങ്ങളില്‍നിന്നുള്ളവര്‍ മറ്റേതെങ്കിലും രാജ്യത്ത് 14 ക്വാറന്റയ്ന്‍ പൂര്‍ത്തിയാക്കിയതിനു ശേഷം വേണം ഉംറ നിര്‍വഹിക്കുന്നതിന് എത്തേണ്ടത്.