മുലപ്പാല്‍ തൊണ്ടയില്‍ കുരുങ്ങി നാല് മാസം പ്രായമുള്ള ആദിവാസി പെണ്‍കുഞ്ഞ് മരിച്ചു

പാലക്കാട്: മീനാക്ഷിപുരത്ത് ആദിവാസി പെണ്‍കുഞ്ഞ് മുലപ്പാല്‍ തൊണ്ടയില്‍ കുരുങ്ങി മരിച്ചു. പാര്‍ഥിപന്‍- സംഗീത ദമ്പതികളുടെ നാലുമാസം പ്രായമുള്ള കുഞ്ഞാണ് മരിച്ചത്.

ഇന്നലെ പാല്‍ നല്‍കുന്നതിനിടെ കുഞ്ഞിന് അനക്കമില്ലെന്ന് കണ്ടതോടെ ആശുപത്രിയിലെത്തിക്കുകയായിരുന്നു. എന്നാല്‍ ആശുപത്രിയിലെത്തുംമുമ്പേ കുഞ്ഞ് മരിച്ചു. 2.200 കിലോഗ്രാം മാത്രമാണ് നാലുമാസം പ്രായമായ കുഞ്ഞിന്റെ തൂക്കം.

കുഞ്ഞ് പോഷകാഹാരക്കുറവു നേരിടുന്നിരുന്നതായി കുടുംബം ആരോപിച്ചു. രണ്ടുവര്‍ഷം മുമ്പ് ദമ്പതികളുടെ ആദ്യ പെണ്‍കുഞ്ഞ് ഇതേ രീതിയില്‍ മരണപ്പെട്ടിരുന്നു. കുഞ്ഞിന്റെ മൃതദേഹം ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. പോസ്റ്റ്മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.