ബൈക്ക് മോഷണസംഘത്തിലെ നാലു പേര് ശ്രീകൃഷണപുരത്ത് അറസ്റ്റില്
ചളവറ കയില്യാട് മാമ്പറ്റപ്പടി സ്വദേശികളായ കെ രാജീവ്, കാര്ത്തൊടി വീട്ടില് ജീവിഷ്, കുറുമങ്ങാട്ടുപടി ശരത്ത് ലാല്, ഒറ്റപ്പാലം പനമണ്ണ അമ്പലവട്ടം കൂരിക്കാട്ടില് സ്വാലിഹ് എന്നിവരാണ് പിടിയിലായത്.
ചെര്പ്പുളശ്ശേരി: പാലക്കാട് ശ്രീകൃഷ്ണ പുരത്ത് ബൈക്ക് മോഷണ സംഘത്തിലെ നാലു പേരെ ശ്രീകൃഷ്ണ പുരം പോലിസ് അറസ്റ്റ് ചെയ്തു. ചളവറ കയില്യാട് മാമ്പറ്റപ്പടി സ്വദേശികളായ കെ രാജീവ്, കാര്ത്തൊടി വീട്ടില് ജീവിഷ്, കുറുമങ്ങാട്ടുപടി ശരത്ത് ലാല്, ഒറ്റപ്പാലം പനമണ്ണ അമ്പലവട്ടം കൂരിക്കാട്ടില് സ്വാലിഹ് എന്നിവരാണ് പിടിയിലായത്. ജൂലായ് 26ന് ശ്രീകൃഷ്ണപുരത്ത് കടക്ക് മുന്നില് നിര്ത്തിയിട്ട ബൈക്ക് മോഷണം പോയ കേസില് നടത്തിയ അന്വേഷണത്തിലാണ് പ്രതികള് പിടിയിലായത്. പ്രതികളുടെ വീട്ടില് നടത്തിയ തിരച്ചിലില് വിവിധ കമ്പനികളുടെ ഒമ്പതു ബൈക്കുകളും കണ്ടെടുത്തു.
തൃശൂര് ജില്ലയിലെ പഴയന്നൂര്, വടക്കഞ്ചേരി, ചാലക്കുടി എന്നിവിടങ്ങളിലേയും പാലക്കാട് ജില്ലയിലെ മണ്ണാര്ക്കാട്, നാട്ടുകല്, ശ്രീകൃഷ്പുരം എന്നിവിടങ്ങളില് നിന്നും മോഷ്ടിച്ച ബൈക്കുകളുമാണ് പ്രതികളില് നിന്ന് കണ്ടെടുത്തത്. മോഷ്ടിക്കുന്ന വാഹനങ്ങളുടെ നമ്പറും എഞ്ചിന് നമ്പറും ചേസ് നമ്പറും മാറ്റി വാഹനങ്ങള് വില്ക്കുകയാണ് പ്രതികള് ചെയ്യുന്നത്. പിടികൂടിയ പ്രതികളെ ഇന്ന് കോടതിയില് ഹാജരാക്കുമെന്നും കേസില് ഇനിയും പ്രതികള് ഉള്ളതിനാലും കേസില് കൂടുതല് അന്വേഷണം നടത്തുന്നതിനുമായി പ്രതികളെ കസ്റ്റഡിയില് വിട്ടുകിട്ടുന്നതിനായി കോടതിയില് അപേക്ഷ നല്കുമെന്നും ശ്രീകൃഷ്ണപുരം സബ് ഇന്സ്പെക്ടര് കെ എം ബിനീഷ് അറിയിച്ചു.
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT