കാറില്‍ കണ്ടെയ്‌നര്‍ ലോറിയിടിച്ച് അഞ്ച് പേര്‍ക്ക് പരിക്ക്

പാലക്കാട്: സിഗ്‌നലില്‍ നിര്‍ത്തിയിട്ട കാറില്‍ കണ്ടെയ്‌നര്‍ ലോറിയിടിച്ച് കാര്‍ യാത്രക്കാരായ അഞ്ച് പേര്‍ക്ക് പരിക്ക്. പരിക്കേറ്റവരെ ആശുപത്രിയിലേക്ക് മാറ്റി.ദേശീയപാതയില്‍ കാഴ്ച്ചപറമ്പ് സിഗ്‌നലില്‍ നിര്‍ത്തിയിട്ട കാറിനു പുറകില്‍ കണ്ടെയ്‌നര്‍ ലോറിയിടിക്കുകയും ആ കാര്‍ മുന്നിലെ വാഹനത്തില്‍ ഇടിക്കുകയുമായിരുന്നു. കാറിന്റെ മുന്‍വശവും പുറകുവശവും പൂര്‍ണ്ണമായും തകര്‍ന്നു.പുതിയങ്കം സ്വദേശിയും ഗള്‍ഫ് റിട്ടേണുമായ സതീഷ് കുമാര്‍ ( 51) ഭാര്യ റജീന (41) മകന്‍ സഞ്ജയ് ( 18 ) ശ്രീരാഗ് (11) സഹോദരന്റെ മകള്‍ അശ്വതി (9) എന്നിവര്‍ക്കാണ് പരുക്ക് പറ്റിയത്. ഇവരെ സമീപ്പത്തെ ആശുപത്രിയിലേക്ക് കൊണ്ടുപോയതായി പോലിസ് പറഞ്ഞു.സതീഷ് കുമാറായിരുന്നു കാര്‍ ഓടിച്ചിരുന്നത്.