ഗതാഗത യോഗ്യമല്ലാത്ത ബസിന്റെ ഫിറ്റ്‌നസ് സര്‍ട്ടിഫിക്കറ്റ് റദ്ദു ചെയ്തു

കോഴിക്കോട്: ഗതാഗത യോഗ്യമല്ലാത്ത ബസ് മോട്ടോര്‍ വാഹന വകുപ്പ് എന്‍ഫോഴ്‌സ്‌മെന്റ് വിഭാഗം പിടികൂടി ഫിറ്റ്‌നസ് സര്‍ട്ടിഫിക്കറ്റ് റദ്ദു ചെയ്തു. എന്‍ഫോഴ്‌സ്‌മെന്റ് ആര്‍ ട്ടി ഒ ബിജുമോന്‍ കെ യുടെ പ്രത്യേക നിര്‍ദേശനുസരണമാണ് പരിശോധന നടത്തിയത്. പരിശോധനയില്‍ തേഞ്ഞു തീര്‍ന്ന ടയര്‍, തുരുമ്പെടുത്ത ബോഡി ഭാഗങ്ങള്‍, പൊട്ടിപൊളിഞ്ഞ ഡോറുകള്‍, പ്രവര്‍ത്തനരഹിതമായ ഇന്‍ഡിക്കേറ്റര്‍ ലൈറ്റ് മുതലായവ യുമായി നരിക്കുനി മെഡിക്കല്‍ കോളജ് റൂട്ടിലെ ബസിന് എതിരെ യാണ് നടപടി എടുത്തത്. കൂടാതെ റോഡ് ടാക്‌സ് അടക്കാതെയാണ് സര്‍വീസ് നടത്തിയതെന്നും കണ്ടെത്തി. പരിശോധനയില്‍ മോട്ടോര്‍ വെഹിക്കിള്‍ ഇന്‍സ്‌പെക്ടര്‍മാരായ സുനില്‍ എം കെ, സജിന്‍ വി കെ എ എം വി ഐ മാരായ മുനീര്‍ എം പി, രഘുനാഥന്‍ എന്നിവര്‍ പങ്കെടുത്തു.