കോഴിക്കോട് ഗൃഹോപകരണ വില്‍പനശാലയില്‍ തീപ്പിടിത്തം

കോഴിക്കോട്: നടക്കാവില്‍ ഗൃഹോപകരണ വില്‍പനശാലയില്‍ തീപ്പിടിത്തം.ആളപായമില്ല.ബഹുനില കെട്ടിടത്തിന്റെ ഗോഡൗണില്‍ കാര്‍ഡ്‌ബോര്‍ഡ് പെട്ടികള്‍ സൂക്ഷിച്ചിരുന്ന ഭാഗത്താണ് തീപ്പിടിത്തം ഉണ്ടായത്.ഗോഡൗണിന്റെ താഴത്തെ നിലയില്‍ നിന്ന് പുക ഉയര്‍ന്നതോടെയാണ് സംഭവം ശ്രദ്ധയില്‍പ്പെട്ടത്.

കോഴിക്കോട് ബീച്ച്, വെള്ളിമാടുകുന്ന് എന്നീ യൂണിറ്റുകളില്‍ നിന്നെത്തിയ അഗ്‌നിശമന വിഭാഗം തീ നിയന്ത്രണവിധേയമാക്കി. സമീപത്തെ സ്വകാര്യ ആശുപത്രിയിലെ രോഗികളെ സുരക്ഷിത ഭാഗത്തേക്ക് മാറ്റി.