Latest News

മാസിഡോണിയയിലെ കൊവിഡ് ആശുപത്രിയില്‍ തീപിടിത്തം; 10 മരണം

മാസിഡോണിയയിലെ കൊവിഡ് ആശുപത്രിയില്‍ തീപിടിത്തം; 10 മരണം
X

സ്‌കോപ്‌ജെ: നോര്‍ത്ത് മാസിഡോണിയയിലെ കൊറോണ ആശുപത്രിയില്‍ ഉണ്ടായ തീപിടിത്തത്തില്‍ 10 പേര്‍ മരിച്ചു. ബാല്‍ക്കന്‍ രാജ്യമായ മാസിഡോണിയയിലെ ടെട്ടൊവൊയിലെ ക്ലിനിക്കിലാണ് തീപിടിത്തമുണ്ടായത്, തീ പിടിക്കാനുള്ള കാരണം വ്യക്തമല്ല.

''ടെട്ടൊവൊയിലാണ് ഭീതിജനകമായ അപകടമുണ്ടായത്. ഇപ്പോഴത്തെ അറിവുവച്ച് 10 പേര്‍ മരിച്ചു. മരണം ഇനിയും ഉയര്‍ന്നേക്കാം''- മാസിഡോണ ആരോഗ്യമന്ത്രി വെന്‍കൊ ഫിലിപ്‌സ് ട്വീറ്റ് ചെയ്തു. മരിച്ചവരുടെ കുടുംബങ്ങളെ മന്ത്രി അനുശോചനം അറിയിച്ചു.

ബുധനാഴ്ച വൈകീട്ടാണ് തീപിടിത്തമുണ്ടയത്. 45 മിനിറ്റിനുള്ളില്‍ തീ അണച്ചു.

കൊവിഡ് രോഗികളെ ചികില്‍സിക്കുന്നതിനുവേണ്ടിമാത്രം കഴിഞ്ഞ വര്‍ഷമാണ് ഈ ആശുപത്രി നിര്‍മിച്ചത്.

നോര്‍ത്ത് മാസിഡോണയിലെ ആകെ ജനസംഖ്യ 2 ദശലക്ഷമാണ്. ക്ലിനിക്കിലെ അപകടം ആരോഗ്യ മേഖലയെ ഗുരുതരമായി ബാധിക്കും.

ഏതാനും ദിവസമായി രാജ്യത്തെ കൊവിഡ് വ്യാപനം വര്‍ധിച്ചിരുന്നു. കഴിഞ്ഞ ദിവസം മാത്രം 30 പേര്‍ കൊവിഡ് ബാധിച്ച് മരിച്ചു. ഇതുവരെ മാസിഡോണയില്‍ 6,100 പേരാണ് കൊവിഡ് ബാധിച്ച് മരിച്ചത്.

Next Story

RELATED STORIES

Share it