ഐഎഫ്എഫ്‌കെ സ്‌ക്രീനിങിനിടെ അപമര്യാദയായി പെരുമാറി; സംവിധായകനെതിരേ പരാതിയുമായി ചലച്ചിത്ര പ്രവര്‍ത്തക

തിരുവനന്തപുരം: പ്രമുഖ സംവിധായകനെതിരേ പരാതിയുമായി ചലച്ചിത്ര പ്രവര്‍ത്തക. ഐഎഫ്എഫ്‌കെ സ്‌ക്രീനിങിനിടെ സ്ത്രീത്വത്തെ അപമാനിച്ചെന്നാണ് പരാതി. മുഖ്യമന്ത്രിക്ക് നേരിട്ട് കത്തയച്ച് ചലച്ചിത്ര പ്രവര്‍ത്തക. കത്തിനു പിന്നാലെ ചലച്ചിത്ര പ്രവര്‍ത്തകയില്‍ നിന്ന് പോലിസ് വിവരം തേടിയിരിക്കുകയാണ്. തലസ്ഥാനത്തെ ഹോട്ടലില്‍ ഐഎഫ്എഫ്‌കെ സ്‌ക്രീനിങ് നടക്കുന്നതിനിടെയാണ് സംഭവം. മുറിയിലെത്തിയ സംവിധായകന്‍ അപമര്യാദയായി പെരുമാറിയെന്നാണ് കത്തില്‍ പറയുന്നത്. ചലച്ചിത്ര പ്രവര്‍ത്തകയുടെ പരാതി മുഖ്യമന്ത്രി തിരുവനന്തപുരം സിറ്റി പോലിസ് കമ്മീഷണര്‍ക്ക് കൈമാറി.