മകനെ കമ്പിപ്പാര കൊണ്ട് തലയ്ക്കടിച്ചു; പിതാവിനെതിരേ കേസ്

തിരുവനന്തപുരം: വഞ്ചിയൂരില്‍ പിതാവ് മകനെ കമ്പിപ്പാര കൊണ്ട് തലയ്ക്കടിച്ചു. ഹൃത്വികിനെ (28)യാണ് പിതാവായ വിനയാനന്ദന്‍ പരിക്കേല്‍പ്പിച്ചത്. ആഢംബര കാറിനെ ചൊല്ലിയുള്ള തര്‍ക്കത്തെത്തുടര്‍ന്നാണ് ആക്രമണം നടന്നത്. തലയ്ക്ക് ഗുരുതരമായി പരിക്കേറ്റ ഹൃത്വിക്കിനെ മെഡിക്കല്‍ കോളജില്‍ പ്രവേശിപ്പിച്ചിരുക്കകയാണ്.

ഏകമകനായ ഹൃത്വികിന് ആഡംബര ബൈക്ക് വാങ്ങി നല്‍കിയിരുന്നു. ഇതിന് പിന്നാലെയാണ് ബൈക്ക് പോരാ കാര്‍ വേണമെന്ന് മകന്‍ ആവശ്യപ്പെട്ടത്. തുടര്‍ന്ന് ഇരുവരും തമ്മില്‍ തര്‍ക്കമുണ്ടാവുകയും കമ്പിപ്പാര കൊണ്ട് തലയ്ക്കടിക്കുകയുമായിരുന്നു. ഗുരുതരമായി പരിക്കേറ്റ ഹൃത്വികിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയും ശസ്ത്രക്രിയക്ക് വിധേയനാക്കുകയും ചെയ്തു. ഹൃത്വികിന് ബോധം വന്ന ശേഷം വിശദമായി മൊഴിയെടുക്കാനാണ് പോലിസിന്റെ തീരുമാനം. അച്ഛന്‍ വിനയാനന്ദനെതിരെ വഞ്ചിയൂര്‍ പോലിസ് കേസെടുത്തു.