കര്ഷക സമരം: പഞ്ചാബില് ട്രയിന് തടയല് സമരം താല്ക്കാലികമായി പിന്വലിച്ചു
ചണ്ഡീഗഢ്: കാര്ഷിക നിയമത്തിനെതിരേ പഞ്ചാബില് രണ്ട് മാസമായി നടന്നു കൊണ്ടിരിക്കുന്ന ട്രയിന് തടയല് സമരം പിന്വലിക്കാന് ധാരണയായി. ട്രയിന് തടയല് സമരം പൂര്ണമായും പിന്വലിച്ചതായി പഞ്ചാബ് ഫാര്മേഴ്സ് യൂണിയന് പ്രഖ്യാപിച്ചു. ഇതോടെ പഞ്ചാബിലൂടെ യാത്രാ-ചരക്കു വണ്ടികള്ക്ക് തടസ്സമില്ലാതെ കടന്നുപോകാം.
അതേസമയം ലോക്സഭയും രാജ്യസഭയും പാസ്സാക്കിയ നിയമം പിന്വലിക്കാന് കേന്ദ്രത്തിന് യൂണിയന് 15 ദിവസത്തെ സമയം നല്കിയിട്ടുണ്ട്. അത് നടന്നില്ലെങ്കില് ട്രയിന് തടയല് സമരം പുനഃരാരംഭിക്കും.
മുഖ്യമന്ത്രി അമരീന്ദര് സിങ് വിളിച്ചുചേര്ത്ത 31 കര്ഷക സംഘടനാ പ്രതിനിധികള് പങ്കെടുത്ത യോഗത്തിലാണ് ഇതുസംബന്ധിച്ച തീരുമാനമുണ്ടായത്.
സപ്തംബര് 24 നാണ് കാര്ഷിക നിയമത്തില് പ്രതിഷേധിച്ച് കര്ഷക സംഘടനകള് ആറ് കേന്ദ്രങ്ങളില് റെയില് തടയല് സമരം ആരംഭിച്ചത്. പിന്നീട് അത് 2 കേന്ദ്രങ്ങളായി കുറച്ചു. എന്നാല് കാര്ഷിക നിയമത്തില് നീക്കുപോക്കുകള്ക്ക് തയ്യാറാവാത്ത സാഹചര്യത്തില് 33 കേന്ദ്രങ്ങളിലേക്ക് സമരം വ്യാപിപ്പിച്ചു. കാര്ഷിക നിയമത്തില് പ്രതിഷേധിച്ചുകൊണ്ട് സംസ്ഥാനത്തേക്ക് ഒരു ചരക്കുവണ്ടിയും യാത്രാവണ്ടിയും കടത്തിവിടുകയില്ലെന്ന് കര്ഷക സംഘടനകള് പ്രഖ്യാപിക്കുകയും ചെയ്തു.
RELATED STORIES
രാവിലെതന്നെ വോട്ട് രേഖപ്പെടുത്തി നേതാക്കള്; പ്രതീക്ഷയോടെ മുന്നണികള്
26 April 2024 3:56 AM GMTസമസ്ത തൃശൂര് ജില്ലാ ജനറല് സെക്രട്ടറി പി ടി കുഞ്ഞുമുഹമ്മദ് മുസ്...
26 April 2024 3:37 AM GMTകേരളം ബൂത്തില്; ആദ്യ മണിക്കൂറുകളില് മികച്ച പോളിങ്
26 April 2024 3:23 AM GMTരാജ്യത്തിന്റെ വീണ്ടെടുപ്പിന് സ്ത്രീകള് വോട്ട് ചെയ്യണം: സുനിത നിസാര്
25 April 2024 6:45 PM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMT