കോഴിക്കോട്ട് വീടിനു നേരെ സ്‌ഫോടക വസ്തു എറിഞ്ഞു

കോഴിക്കോട്: ചേലക്കാട് വീടിനു നേരെ സ്‌ഫോടക വസ്തു എറിഞ്ഞു. കണ്ടോത്ത് അമ്മദിന്റെ വീടിനു നേരെയാണ് സ്‌ഫോടക വസ്തു എറിഞ്ഞത്. ഇന്നലെ രാത്രി 11 മണിക്കാണ് സംഭവം. സ്‌ഫോടക വസ്തു വീടിന്റെ ചുമരില്‍ തട്ടി പൊട്ടിത്തെറിച്ചു.

നാടന്‍ ബോംബ് എറിഞ്ഞെന്നാണ് സൂചന. ഗര്‍ഭിണിയായ യുവതിയും മൂന്ന് കുട്ടികളും ഉള്‍പ്പെടെയുള്ള വീട്ടുകാര്‍ ഉറങ്ങുന്നതിനിടെയാണ് അക്രമം നടന്നത്. നാദാപുരം പോലിസ് സ്ഥലത്തെത്തി അന്വേഷണം ആരംഭിച്ചു.