ഇലക്ട്രിക് കാറുകള് നിരത്തിലിറങ്ങി; വഴിക്കണ്ണുമായി മോട്ടോര് വാഹന വകുപ്പ്
കല്പ്പറ്റ: ജില്ലയിലെ റോഡപകടങ്ങള് കുറയ്ക്കുന്നതിന്റെ ഭാഗമായി പരിശോധനകള് കാര്യക്ഷമമാക്കാന് 3 ഇലക്ട്രിക് കാറുകള് കൂടി മോട്ടോര് വാഹന വകുപ്പ് നിരത്തിലിറക്കി. എന്ഫോഴ്സ്മെന്റ് വിഭാഗത്തിനായി പുതിയതായി അനുവദിച്ച ഇലക്ട്രിക് കാറുകള് കളക്ട്രേറ്റില് ജില്ലാ കളക്ടര് ഡോ. അദീല അബ്ദുള്ള ഫ്ലാഗ് ഓഫ് ചെയ്തു. ജില്ലയിലെ നിരത്തുകളില് പരിശോധനയ്ക്കായി ഈ വാഹനങ്ങളുടെ സേവനം പ്രയോജനപ്പെടുത്തും.
അന്തരീക്ഷ മലിനീകരണം നിയന്ത്രിക്കുന്നതിനും പരിസ്ഥിതി സംരക്ഷണത്തിനുമായി എന്ഫോഴ്സ്മെന്റ് വിഭാഗം സംസ്ഥാനത്ത് 65 ടാറ്റ നെക്സണ് വാഹനങ്ങളാണ് പുതിയതായി നിരത്തിലിറക്കുന്നത്. ഇതില് മൂന്നെണ്ണമാണ് ജില്ലയ്ക്ക് അനുവദിച്ചത്.
വാഹനങ്ങള് ചാര്ജ്ജ് ചെയ്യുതിനായി കല്പ്പറ്റ ആര്. ടി. ഒ ഓഫിസില് രണ്ട് ചാര്ജ്ജിങ് പോയിന്ററുകളും, സുല്ത്താന് ബത്തേരി സബ്. ആര്. ടി. ഒ ഓഫിസില് ഒരു ചാര്ജ്ജിങ് പോയിന്റും സ്ഥാപിച്ചിട്ടുണ്ട്. മാനന്തവാടിയില് ചാര്ജ്ജിങ് പോയിന്റ് സ്ഥാപിക്കുന്നതിനുള്ള നടപടികള് പുരോഗമിച്ചു വരുകയാണ്.
ഓഫ് റോഡ് ചെക്കിങ്ങിനും ഉതകുന്ന രീതിയിലാണ് വാഹനങ്ങള് തയ്യാറാക്കിയിരിക്കുന്നത്.
ചടങ്ങില് ജില്ലാ ആര്. ടി. ഒ എസ്. മനോജ്, എന്ഫോഴ്സ്മെന്റ് ആര്. ടി. ഒ എന്. തങ്കരാജന്, കല്പ്പറ്റ ജോയിന്റ് ആര്. ടി. ഒ സാജു. എ. ബക്കര് തുടങ്ങിയവര് പങ്കെടുത്തു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT