വീട്ടില് പൂട്ടിയിട്ട വൃദ്ധന്റെ മരണം: മകന് അറസ്റ്റില്
വസങ്ങളായി പൊടിയന് പട്ടിണിയിലായിരുന്നുവെന്നാണ് പോസ്റ്റുമോര്ട്ടം റിപ്പോര്ട്ട്. കുടലില് ആഹാരത്തിന്റെ അംശം ഉണ്ടായിരുന്നില്ല.
മുണ്ടക്കയം: മകന് മുറിയില് പൂട്ടിയിട്ട വയോധികന് ആശുപത്രിയിലേക്ക് എത്തിക്കുന്നതിനിടെ മരിച്ച സംഭവത്തില് മകനെ പോലീസ് അറസ്റ്റുചെയ്തു. വണ്ടന്പതാല് അസംബനി തൊടിയില് വീട്ടില് പൊടിയന് (80) മരിച്ചസംഭവത്തിലാണ് മകന് റെജിയെ അറസ്റ്റുചെയ്തത്. പിതാവിനെയും മാതാവിനെയും മുറിയില് പൂട്ടിയിട്ട് ഭക്ഷണവും വെള്ളവും നല്കാതെ പട്ടിണിക്കിടുകയായിരുന്നു.
പൊടിയനെയും ഭാര്യ അമ്മിണിയെയും മകന് റെജി ഭക്ഷണം നല്കാതെ വീട്ടില് പൂട്ടിയിട്ട വിവരം വയോധികരെ തിരക്കിയെത്തിയ ആരോഗ്യപ്രവര്ത്തകയാണ് പുറംലോകത്തെ അറിയിച്ചത്. ഇതോടെ കഴിഞ്ഞ ദിവസം ജനപ്രതിനിധികളും പോലീസും എത്തി ഇരുവരെയും കാഞ്ഞിരപ്പള്ളി താലൂക്ക് ആശുപത്രിയിലേക്ക് മാറ്റിയിരുന്നു. ആശുപത്രിയിലേക്ക് കൊണ്ടുപോകും വഴിയാണ് പൊടിയന് മരിച്ചത്. അമ്മിണി മെഡിക്കല് കോളേജില് ചികിത്സയിലാണ്.
ദിവസങ്ങളായി പൊടിയന് പട്ടിണിയിലായിരുന്നുവെന്നാണ് പോസ്റ്റുമോര്ട്ടം റിപ്പോര്ട്ട്. കുടലില് ആഹാരത്തിന്റെ അംശം ഉണ്ടായിരുന്നില്ല. കൈയ്ക്ക് സ്വാധീനക്കുറവുള്ള പൊടിയന് തനിയെ ആഹാരം കഴിക്കാനാവില്ല. അമ്മിണിക്ക് മാനസികാരോഗ്യപ്രശ്നമുണ്ട്. മകനാണ് ഇരുവര്ക്കും ആഹാരം നല്കേണ്ടിയിരുന്നത്. അതുണ്ടായില്ലെന്നാണ് കണ്ടെത്തല്. മെഡിക്കല് കോളേജില് ചികിത്സയിലുള്ള അമ്മിണിയുടെനില മെച്ചമായിട്ടുണ്ട്. ഇവരെ സംരക്ഷണകേന്ദ്രത്തിലേക്ക് മാറ്റും.
ഇളയ മകന് കൂലിവേലക്കാരനായ റെജിയോടും കുടുംബത്തോടുമൊപ്പമായിരുന്നു വൃദ്ധദമ്പതിമാര് ഏറെനാളായി കഴിഞ്ഞിരുന്നത്. റെജി മാതാപിതാക്കള്ക്ക് ഭക്ഷണം നല്കാതിരിക്കുകയും ശാരീരികമായി ഇരുവരെയും ഉപദ്രവിക്കുകയും ചെയ്തിരുന്നതായി നാട്ടുകാര് പറഞ്ഞു. അയല്വാസികള് ജനലിലൂടെ നല്കുന്ന ഭക്ഷണമാണ് ഇവര് കഴിച്ചിരുന്നത്. മുറിക്കുള്ളിലേക്ക് ആരും കയറാതിരിക്കുന്നതിനായി റെജി വാതില്ക്കല് പട്ടിയെ കെട്ടിയിട്ടിരുന്നു.
RELATED STORIES
വനിതാ ഹോസ്റ്റലിൽനിന്ന് പിടിച്ചത് 1.3 കിലോ കഞ്ചാവ്; ഐടി ജീവനക്കാരിയും...
26 April 2024 10:39 AM GMTമണിപ്പൂര്; അമേരിക്കയുടെ റിപോര്ട്ട് ഇന്ത്യ തള്ളി
26 April 2024 10:34 AM GMTആലത്തൂരിലെ പാര്ട്ടി അനുഭാവികളുടെ വോട്ടുകള് ബിജെപി തൃശൂര്...
26 April 2024 10:33 AM GMTസംസ്ഥാനത്ത് പോളിങ് കുതിക്കുന്നു; 52.25 ശതമാനം പിന്നിട്ടു
26 April 2024 10:30 AM GMTകള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMT