അന്താരാഷ്ട്ര സമ്മര്ദ്ദം: ഈജിപ്ത് മനുഷ്യാവകാശ പ്രവര്ത്തകരെ മോചിപ്പിച്ചു
രാജ്യത്തെ പ്രമുഖ മനുഷ്യാവകാശ സംഘടനയായ ഈജിപ്ഷ്യന് ഇനീഷേറ്റീവ് ഫോര് പേഴ്സണല് റൈറ്റ്സ് (ഇഐപിആര്) എന്ന സംഘടനയിലെ മൂന്ന് പേരെയാണ് കഴിഞ്ഞ ദിവസം ഈജിപ്ത് മോചിപ്പിച്ചത്.
കെയ്റോ: ഈജിപ്ഷ്യന് ഭരണകൂടം കള്ളക്കേസ് ചുമത്തി തുറങ്കിലടച്ച മനുഷ്യാവകാശ പ്രവര്ത്തകരെ അന്താരാഷ്ട്ര സമ്മര്ദ്ദത്തെത്തുടര്ന്ന് വിട്ടയച്ചു. രാജ്യത്തെ പ്രമുഖ മനുഷ്യാവകാശ സംഘടനയായ ഈജിപ്ഷ്യന് ഇനീഷേറ്റീവ് ഫോര് പേഴ്സണല് റൈറ്റ്സ് (ഇഐപിആര്) എന്ന സംഘടനയിലെ മൂന്ന് പേരെയാണ് കഴിഞ്ഞ ദിവസം ഈജിപ്ത് മോചിപ്പിച്ചത്.
'തീവ്രവാദ' സംഘടനയില് അംഗമായി, വ്യാജ വാര്ത്തകള് പ്രചരിപ്പിക്കുന്നു തുടങ്ങിയ കുറ്റങ്ങള് ചുമത്തി നവംബര് മൂന്നിനാണ് ഇവരെ അറസ്റ്റ് ചെയ്തത്. നിയുക്ത യുഎസ് പ്രസിഡന്റ് ജോ ബൈഡന് അടക്കമുള്ളവര് ഇവരെ വിട്ടയക്കണമെന്നാവശ്യപ്പെട്ട് രംഗത്തുവന്നിരുന്നു.
തോറ ജയിലില് അടച്ച ഇവരെ വ്യാഴാഴ്ചയാണ് വിട്ടയച്ചതെന്നും ഇവരെല്ലാം ജയിലില് നിന്നും വീട്ടിലേക്ക് മടങ്ങിയെന്നും സംഘടന പ്രസ്താവനയിലൂടെ അറിയിച്ചു. ഒരു മാസത്തെ ജയില് വാസത്തിനു ശേഷമാണ് മോചനം. രാജ്യത്തെ മനുഷ്യാവകാശ ലംഘനങ്ങള്ക്കെതിരെ ചോദ്യം ചെയ്ത് പരസ്യമായി രംഗത്തു വരികയും വാര്ത്ത സമ്മേളനം നടത്തുകയും ചെയ്തവരായിരുന്നു ഇവര്. തുടര്ന്നായിരുന്നു അറസ്റ്റ് എന്നാണ് ആരോപണം.
പ്രസിഡന്റ് അബ്ദുല് ഫത്താഹ് അല് സീസിയുടെ സര്ക്കാരിനെതിരെയുള്ള വിയോജിപ്പുകളും സ്വതന്ത്ര സംഘടനകളെ നിശബ്ദമാക്കുന്നതില് രാജ്യത്ത് വര്ഷങ്ങളായി നടന്ന അറസ്റ്റുകളും മറ്റ് തരത്തിലുള്ള ഭീഷണികളും എത്രത്തോളം മുന്നോട്ടുപോയി എന്നാണ് ഈ അറസ്റ്റുകള് അടിവരയിടുന്നുവെന്നും മനുഷ്യാവകാശ സംഘടനകള് ആരോപിച്ചു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT