രാജ്യസഭാ ഉപതിരഞ്ഞെടുപ്പ്: ഡോ.ശൂരനാട് രാജശേഖരന് യുഡിഎഫ് സ്ഥാനാര്ഥി
എല്ഡിഎഫ് സ്ഥാനാര്ഥിയായി കേരള കോണ്ഗ്രസ്(എം) ചെയര്മാന് ജോസ് കെ മാണി നാമനിര്ദേശ പത്രിക സമര്പ്പിച്ചിരുന്നു
തിരുവനന്തപുരം: രാജ്യസഭാ ഉപതിരഞ്ഞെടുപ്പില് ഡോ.ശൂരനാട് രാജശേഖരന് യുഡിഎഫ് സ്ഥാനാര്ഥിയാകും. കെപിസിസി പ്രസിഡന്റ് കെ സുധാകരനാണ് തീരുമാനമറിയിച്ചത്. ഇതോടെ രാജ്യസഭയിലേക്ക് മല്സരം ഉറപ്പായി. അതേസമയം, രാജ്യസഭാ ഉപതിരഞ്ഞെടുപ്പില് എല്ഡിഎഫ് സ്ഥാനാര്ഥിയായി കേരള കോണ്ഗ്രസ്(എം) ചെയര്മാന് ജോസ് കെ മാണി നാമനിര്ദേശ പത്രിക സമര്പ്പിച്ചിരുന്നു. തിങ്കളാഴ്ച രാവിലെ നിയമസഭാ സെക്രട്ടറി മുന്പാകെയാണ് പത്രിക സമര്പ്പിച്ചത്.
എല്ഡിഎഫ് കണ്വീനറും സിപിഎം ആക്ടിങ് സെക്രട്ടറിയുമായ എ വിജയരാഘവന്, സിപിഐ അസിസ്റ്റന്റ് സെക്രട്ടറി കെ പ്രകാശ് ബാബു, മന്ത്രിമാരായ ജിആര് അനില്, എകെ ശശീന്ദ്രന്, റോഷി അഗസ്റ്റിന്, ചീഫ് വിപ്പ് ഡോ. എന് ജയരാജ്, തോമസ് ചാഴികാടന് എംപി, എംഎല്എമാരായ മാത്യു ടി തോമസ്, ജോബ് മൈക്കിള് തുടങ്ങിയവര് അനുഗമിച്ചു.
ഈ മാസം 29നാണ് ഉപതിരഞ്ഞെടുപ്പ്. നാമനിര്ദേശ പത്രിക സമര്പ്പിക്കാനുള്ള അവസാന തിയ്യതി നവംബര് 16. സൂക്ഷ്മപരിശോധന 17ന്. പിന്വലിക്കാനുള്ള അവസാന തിയ്യതി 22. ഈ മാസം 29ന് രാവിലെ 9 മുതല് 4 വരെ പോളിങ് നടക്കും.
സീറ്റ് കേരള കോണ്ഗ്രസ് എമ്മിനു നല്കാന് എല്ഡിഎഫ് നേതൃയോഗം തീരുമാനിച്ചിരുന്നു. ഇതിന് പിന്നാലെ മന്ത്രി റോഷി അഗസ്റ്റിന്റെ വസതിയില് ചേര്ന്ന പാര്ലമെന്ററി പാര്ട്ടി യോഗത്തിലാണു ജോസ് കെ മാണിയെ സ്ഥാനാര്ഥിയായി തീരുമാനിച്ചത്.
RELATED STORIES
കൊല്ക്കത്തയില് മോഹന് ബഗാന് വീണു; ഐഎസ്എല് കിരീടം മുംബൈ...
4 May 2024 4:46 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMTആറളം ഫാമിലെ വീടിന്റെ അടുക്കള ഭാഗം കാട്ടാന തകര്ത്തു
4 May 2024 10:37 AM GMT