മുന്‍സിപ്പല്‍/ പഞ്ചായത്ത് തലത്തില്‍ മുന്‍കൂര്‍ അനുമതിയില്ലാതെ ഡൊമിസിലറി കെയര്‍ സെന്ററുകള്‍ തുടങ്ങാമെന്ന് തീരുമാനം
പാലക്കാട്: മുന്‍സിപ്പല്‍/ പഞ്ചായത്ത് തലത്തില്‍ ഡി.സി.സികള്‍(ഡൊമി സിലറി കെയര്‍ സെന്ററുകള്‍) തുടങ്ങുന്നതിന് ജില്ലാ ഭരണകൂടത്തിന്റേയോ ഡി.ഡി. പിയുടെയൊ (ഡെപ്യൂട്ടി ഡയറക്ടര്‍ ഓഫ് പഞ്ചായത്ത്) മുന്‍കൂര്‍ അനുമതി ആവശ്യമില്ലായെന്ന് ജില്ലാ കളക്ടറുടെ അധ്യക്ഷതയില്‍ ചേര്‍ന്ന മുന്‍സിപ്പാലിറ്റി, ത്രിതല പഞ്ചായത്ത്തല യോഗത്തില്‍ തീരുമാനമായി.
ഡി.സി.സി ജീവനക്കാരെ അതത് പഞ്ചായത്തുകള്‍/ മുനിസിപ്പാലിറ്റികള്‍ നിയമിക്കേണ്ടതും അവരുടെ ശമ്പളം സര്‍ക്കാര്‍ ഉത്തരവ് പ്രകാരം നല്‍കേണ്ടതുമാണെന്ന് യോഗം തീരുമാനിച്ചു. ഡി.സി.സി കളില്‍ നിയമിക്കുന്ന എ.എന്‍.എം,/ നേഴ്‌സിംഗ് സ്റ്റാഫ്/വളണ്ടിയര്‍മാര്‍/ ക്ലിനിംഗ് സ്റ്റാഫ് എന്നിവരെ ബന്ധപ്പെട്ട പി.എച്ച്.സികളില്‍ നിന്നും പരിശീലനം നല്‍കിയ ശേഷം മാത്രമേ ഡൂട്ടിയ്ക്കു നിയോഗിക്കാവു എന്ന് യോഗത്തില്‍ തീരുമാനമായി.
ഡി.സി.സി കള്‍ തുടങ്ങിയശേഷം കിടക്കകളുടെ എണ്ണം, സ്റ്റാഫ് ,സ്ഥലം എന്നിവ സംബന്ധിച്ച് ഡി.സി.സി നോഡല്‍ ഓഫീസറെ അറിയിക്കണം. മുന്‍സിപ്പാലിറ്റികളും പഞ്ചായത്തുകളും ആംബുലന്‍സ്, ആന്റി ജന്‍ ടെസ്റ്റ് കിറ്റുകള്‍, സുരക്ഷാ സാമഗ്രികള്‍ എന്നിവ പ്ലാന്‍ ഫണ്ട്/ പ്രൊജക്റ്റ് മുഖേന വാങ്ങാവുന്നതാണെന്ന നിര്‍ദ്ദേശവും യോഗത്തിലുണ്ടായി.
ജനപ്രതിനിധികള്‍, വളണ്ടിയര്‍മാര്‍, ഭിന്നശേഷിക്കാര്‍, ക്ഷീരസംഘങ്ങളിലെ ജീവനക്കാര്‍, റേഷന്‍ വ്യാപാരികള്‍ എന്നിവര്‍ക്ക് വാക്‌സിനേഷനില്‍ മുന്‍ഗണന നല്‍കുന്നത് സംബന്ധിച്ച് സംസ്ഥാന തല യോഗങ്ങളില്‍ ശ്രദ്ധയില്‍ പെടുത്താനും യോഗം തീരുമാനിച്ചു.
18 മുതല്‍ 44 വയസ്സ് വരെയുള്ളവരെയുള്ള അനുബന്ധ രോഗമുള്ളവര്‍ക്ക് സര്‍ക്കാര്‍ മാര്‍ഗ്ഗ നിര്‍ദ്ദേശമനുസരിച്ച് വാക്‌സിനേഷന്‍ നടത്താനും യോഗം തീരുമാനിച്ചു.
യോഗത്തില്‍ ജില്ലാ പഞ്ചായത്ത് പ്രസിഡണ്ട് കെ.ബിനുമോള്‍, മുന്‍സിപ്പല്‍ ചെയര്‍മാന്‍മാര്‍, ഗ്രാമപഞ്ചായത്ത് പ്രസിഡന്റുമാര്‍, സബ്കളക്ടര്‍ അര്‍ജുന്‍ പാണ്ഡ്യന്‍, അസിസ്റ്റന്റ് കളക്ടര്‍ അശ്വതി ശ്രീനിവാസ്, ജില്ലാ മെഡിക്കല്‍ ഓഫീസര്‍( ആരോഗ്യം) ഡോക്ടര്‍ കെ.പി റീത്ത തുടങ്ങിയവര്‍ ഓണ്‍ലൈനായി നടന്ന യോഗത്തില്‍ സംബന്ധിച്ചു.
ഓള്‍ഡ് ട്രാഫോഡില്‍ മാഞ്ചസ്റ്റര്‍ യുനൈറ്റഡിനെ തോല്‍പ്പിച്ച് ആഴ്‌സണല്‍...
17 Aug 2025 5:57 PM GMTഇംഗ്ലീഷ് പ്രീമിയര്‍ ലീഗ്; ക്ലബ്ബ് ലോകകപ്പ് ജേതാക്കള്‍ക്ക് കാലിടറി;...
17 Aug 2025 5:23 PM GMTകര്‍ണാടക ആര്‍ടിസി ബസ് നിര്‍ത്തിയിട്ടിരുന്ന ലോറിയില്‍ ഇടിച്ച് അപകടം;...
17 Aug 2025 5:14 PM GMTതൃശ്ശൂര്‍ ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി;...
17 Aug 2025 4:29 PM GMTഉത്തരാഖണ്ഡിലെ മദ്‌റസാ ബോര്‍ഡ് പിരിച്ചുവിടും; ന്യൂനപക്ഷ സ്ഥാപനങ്ങളെ...
17 Aug 2025 4:19 PM GMTഓണപ്പരീക്ഷ നാളെ മുതല്‍; ചോദ്യക്കടലാസ് ചോര്‍ച്ച തടയാന്‍ മാര്‍ഗരേഖ
17 Aug 2025 3:29 PM GMT
