കൊവിഡ്19: യുഎഇയില്‍ മരണം 200 കവിഞ്ഞു

അബൂദബി: കൊവിഡ് 19 വൈറസ് ബാധിതരുടെ എണ്ണം ക്രമാതീതമായി കൂടിവരുന്ന യുഎഇയില്‍ മരണസംഖ്യ 200 കവിഞ്ഞു. മലയാളികള്‍ ഉള്‍പ്പെടെ 3 പ്രവാസികള്‍ കൂടി ഇന്ന് മരണടഞ്ഞു. ഇതോടെ രാജ്യത്തെ മൊത്തം മരണസംഖ്യ 201 ആയി. അതേസമയം, 680

പേര്‍ക്കുകൂടി പുതുതായി കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഇതോടെ ആകെ രോഗബാധിതരുടെ എണ്ണം 18,878 ആയി.

ഇന്നത്തെ കണക്കുകള്‍ പ്രകാരം 577 പേര്‍ക്ക് അസുഖം പൂര്‍ണമായും ഭേദപ്പെട്ടിട്ടുണ്ട്. 5,381 ആണ് രോഗമുക്തി നേടിയവരുടെ ആകെ എണ്ണം.