മന്ത്രിമാരെ പുറത്താക്കാന്‍ ഗവര്‍ണര്‍ക്ക് അധികാരമില്ലെന്ന് സിപിഎം സംസ്ഥാന സെക്രട്ടറി

തിരുവനന്തപുരം: തന്നെ അക്ഷേപിക്കുന്ന മന്ത്രിമാരെ പുറത്താക്കുമെന്ന കേരള ഗവര്‍ണറുടെ ഭീഷണിക്കെതിരേ സിപിഎം സംസ്ഥാന സെക്രട്ടറി എം വി ഗോവിന്ദന്‍. ഭരണഘടനയിലുള്ള അജ്ഞതയാണ് ഗവര്‍ണറുടെ ഇത്തരം അഭിപ്രായങ്ങള്‍ക്കുപിന്നിലെന്ന് അദ്ദേഹം കുറ്റപ്പെടുത്തി.

മുഖ്യമന്ത്രിയുടെ ഉപദേശപ്രകാരമേ മന്ത്രിമാരെ നിയമിക്കാനും നീക്കാനും ഗവര്‍ണര്‍ക്ക് അധികാരമുള്ളു. ഇന്ത്യയില്‍ അതാണ് നിയമം. രാജ്ഭവന്‍ പിആര്‍ഒ പോസ്റ്റ് ചെയ്ത ട്വീറ്റിലെ പരാമര്‍ശങ്ങള്‍ നിയമവിരുദ്ധമാണ്. ഇത്തരം നിലപാടുകള്‍ ജനാധിപത്യസംവിധാനത്തിനെതിരേയുള്ള കടന്നാക്രമമാണ്- അദ്ദേഹം കൂട്ടിച്ചേര്‍ത്തു.

തന്നെ ആക്ഷേപിക്കുന്ന മന്ത്രിമാരെ പുറത്താക്കുമെന്നായിരുന്നു ഗവര്‍ണറുടെ ഭീഷണി.