പാര്‍ട്ടി യോഗത്തില്‍ പങ്കെടുത്ത കര്‍ണാടക കോണ്‍ഗ്രസ് സംസ്ഥാന നേതാവിന് കൊവിഡ്

ശിവഗംഗ: കര്‍ണാടകയിലെ പ്രമുഖ കോണ്‍ഗ്രസ് നേതാവിന് കൊവിഡ്. ആര്‍ പ്രസന്ന കുമാറിനാണ് കൊവിഡ് സ്ഥിരീകരിച്ചത്. അദ്ദേഹം കഴിഞ്ഞ ആഴ്ചയില്‍ നിരവധി പേര്‍ പങ്കെടുത്ത പാര്‍ട്ടി പരിപാടിയില്‍ പങ്കെടുത്തിരുന്നു.

എനിക്ക് രോഗലക്ഷണങ്ങളില്ല. എങ്കിലും ഞാനുമായി സമ്പര്‍ക്കത്തില്‍ വന്നവര്‍ കൊവിഡ് പരിശോധന നടത്തണം- ആര്‍ പ്രസന്ന കുമാര്‍ പുറത്തിറക്കിയ വാര്‍ത്താ കുറിപ്പില്‍ അറിയിച്ചു.

നേരത്തെ കൊണ്‍ഗ്രസ് നേതാവും എംപിയുമായ കാര്‍ത്തി ചിദംബരത്തിനും കൊവിഡ് സ്ഥിരീകരിച്ചിരുന്നു. മുന്‍ ആഭ്യന്തര മന്ത്രി പി ചിദംബരത്തിന്റെ മകനാണ് കാര്‍ത്തി ചിദംബരം.

കര്‍ണാടക മുഖ്യമന്ത്രിയും മകളുമാണ് കൊവിഡ് സ്ഥിരീകരിച്ച മറ്റ് പ്രമുഖര്‍.