കൊവിഡ്: അണുബാധയ്ക്ക് നാലുവര്ഷത്തിനു ശേഷവും ലക്ഷണങ്ങള് നിലനില്ക്കും, പഠനം
ന്യൂഡല്ഹി: കൊവിഡ് ബാധിച്ച് നാലുവര്ഷത്തിനു ശേഷവും ആളുകളില് രോഗത്തിന്റെ ഭാഗമായുള്ള മറ്റു ആരോഗ്യപ്രശ്നങ്ങള് കണ്ടുവരുന്നുണ്ടെന്ന് വിദഗ്ധര്. അണുബാധയ്ക്ക് നാലുവര്ഷത്തിനു ശേഷവും ലോംഗ് കോവിഡിന്റെ (എല്സി) ഒന്നിലധികം ലക്ഷണങ്ങള് നിലനില്ക്കുമെന്ന് ഗവേഷകര് പറഞ്ഞു. പൂനെയിലെ നാഷണല് ഇന്സ്റ്റിറ്റ്യൂട്ട് ഓഫ് വൈറോളജിയിലെ (എന്ഐവി) ഗവേഷകര് നടത്തിയ പഠനത്തില്, എല്സി രോഗികള്ക്ക് ക്ഷീണം, ചുമ, നെഞ്ചുവേദന, ഹൃദയമിടിപ്പ്, ഉറക്കം സംബന്ധിച്ച അസ്വസ്ഥതകള്, വയറുവേദന, സന്ധിവേദന എന്നിവ അനുഭവപ്പെടുന്നതായി കണ്ടെത്തി. ചില ലക്ഷണങ്ങള് നാല് വര്ഷം വരെ നീണ്ടുനില്ക്കും.
നേച്ചര് കമ്മ്യൂണിക്കേഷന്സ് ജേണലില് പ്രസിദ്ധീകരിച്ച പഠനത്തില്, മൂന്ന് മാസത്തിനുള്ളില് പൂര്ണ്ണമായി സുഖം പ്രാപിച്ച ചില രോഗികള്ക്ക് അടുത്ത വര്ഷം ലക്ഷണങ്ങള് വികസിച്ചതായി കണ്ടെത്തി
'കാലക്രമേണ എല്സി ലക്ഷണങ്ങള് ക്രമേണ കുറയുമെന്ന് ഞങ്ങള്ക്കറിയാം - പക്ഷേ അണുബാധയ്ക്ക് നാല് വര്ഷത്തിന് ശേഷവും നിരവധി രോഗികള്ക്ക് സ്ഥിരവും ദുര്ബലപ്പെടുത്തുന്നതുമായ ലക്ഷണങ്ങള് അനുഭവപ്പെടുന്നത് ഞങ്ങളെ പൂര്ണ്ണമായും അത്ഭുതപ്പെടുത്തി,' പകര്ച്ചവ്യാധി വിദഗ്ധനും പഠനത്തിന്റെ സഹ-രചയിതാവുമായ അമീത് ദ്രാവിഡ് പറഞ്ഞു.
എന്ഐവിയിലെയും മറ്റുസ്ഥാപനങ്ങളിലെയും ദ്രാവിഡും സഹപ്രവര്ത്തകരും നിലവില് എല്സിക്ക് പിന്നിലെ ജൈവ സംവിധാനങ്ങളെക്കുറിച്ച് അന്വേഷിച്ചുകൊണ്ടിരിക്കുകയാണ്. രോഗപ്രതിരോധ, കോശജ്വലന മാറ്റങ്ങള്, രക്തക്കുഴലുകളിലെയും ഓക്സിജന് വിതരണത്തിലെയും പ്രശ്നങ്ങള്, ഒന്നിലധികം അവയവങ്ങളെ ബാധിക്കുന്ന വൈറസ് ബാധയുടെ സാധ്യത എന്നിവ ഇതില് ഉള്പ്പെട്ടേക്കാം. ഈ പഠനം ഭാവിയില് കൊവിഡ് സംബന്ധിച്ച അസുഖങ്ങള് വരുന്നവരിലും വന്നവരിലും അവബോധം വളര്ത്താന് സഹായിക്കുമെന്നും അവര് പറയുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
